ମୁମ୍ବାଇ: ସୋମବାର ବିବାହ ବନ୍ଧନରେ ଆବଦ୍ଧ ହୋଇଥିଲେ ସୁନ୍ଦରୀ ଅଭିନେତ୍ରୀ ଦିୟା ମିର୍ଜା । ସେ ମୁମ୍ବାଇର ବିଜନେସମ୍ୟାନ ବୈଭବ ରେଖୀଙ୍କ ପତ୍ନୀ ସାଜିଛନ୍ତି । ଦିୟାଙ୍କ ଏହା ଦ୍ବିତୀୟ ବିବାହ । ସେପଟେ ତାଙ୍କ ବିବାହକୁ ନେଇ ଫ୍ୟାନ୍ସ ଖୁସି ଥିବାବେଳେ ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛା ଜଣାଇଛନ୍ତି ଦେଶୀ ଗାର୍ଲ ପ୍ରିୟଙ୍କା ଚୋପ୍ରା । ସେ ଦିୟାଙ୍କ ବିବାହରେ ଖୁବ୍ ଖୁସି ଅଛନ୍ତି।
ପିସି, ଦିୟାଙ୍କ ବିବାହ ଫଟୋରେ କମେଣ୍ଟ କରି ଲେଖିଥିଲେ, ‘ମୁଁ ତୁମ ପାଇଁ ବହୁତ ଖୁସି ଅନୁଭବ କରୁଛି । ବିବାହର ଅନେକ ଅନେକ ଶୁଭେଚ୍ଛା ଏବଂ ଶୁଭକାମନା ।’ ସେପଟେ ଦିୟାଙ୍କ ପିସିଙ୍କୁ ଧନ୍ୟବାଦ ଜଣାଇଛନ୍ତି ।
ପ୍ରକାଶ ଥାଉକି ଦିୟା ପ୍ରଥମେ ସାହିଲ ସାଙ୍ଘାଙ୍କୁ 2014ରେ ବିବାହ କରିଥିଲେ । ଆଉ ବିବାହର 5 ବର୍ଷ ପରେ ଏହି ଯୋଡି ପରସ୍ପରକୁ ଛାଡପତ୍ର ଦେଇଥିଲେ । ଆଉ ଛାଡପତ୍ର ଉପରେ ଦିୟା କହିଥିଲେ ଯାହା ବି ହୋଇଛି ଦୁଇଜଣଙ୍କ ସହମତିରେ ହୋଇଛି । ଆମେ ପରସ୍ପରର ଭଲ ବନ୍ଧୁ ପରି ସବୁବେଳେ ରହିବୁ।
