ହାଇଦ୍ରାବାଦ: ବଲିଉଡର କ୍ୟୁଟ କପଲ ରିତେଶ ଦେଶମୁଖ ଏବଂ ଜେନେଲିଆ ଡି’ସୁଜା ସୋସିଆଲ ମିଡିଆରେ ବେଶ ଆକ୍ଟିଭ । ନିକଟରେ ଜେନେଲିଆ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯାହାକୁ ଦେଖି ଆପଣ ଆପଣଙ୍କର ହସକୁ ରୋକି ପାରିବେ ନାହିଁ ।
- " class="align-text-top noRightClick twitterSection" data="
">
ଭିଡିଓରେ ଏହା ଦେଖିବାକୁ ମିଳେ ଯେ, ଏକ ଇଭେଣ୍ଟ ସମୟରେ ରିତିଶ ପ୍ରୀତି ଜିଣ୍ଟାଙ୍କୁ ଦେଖି ତାଙ୍କ ହାତରେ କିସ ଦେଉଛନ୍ତି ଏବଂ ତାଙ୍କୁ ଆଲିଙ୍ଗନ କରୁଛନ୍ତି । ଏଥିସହିତ ସେ ତାଙ୍କ ସହ ଦୀର୍ଘ ସମୟ ଧରି ଠିଆ ହୋଇ କଥାବାର୍ତ୍ତା ମଧ୍ୟ କରୁଛନ୍ତି । ହେଲେ ଏହି ସମୟରେ ଜେନେଲିଆ ସେଠାରେ ଠିଆ ହୋଇ ଏସବୁ ଦେଖି ବିରକ୍ତିକର ଏକ୍ସପ୍ରେସନ ଦେଉଥିବାର ଦେଖିବାକୁ ମିଳିଛି ।
ଏହି ପୁରୁଣା ଭିଡିଓ ସହିତ ଜେନେଲିଆ ଏକ ନୂତନ କ୍ଲିପ୍ ଯୋଡିଛନ୍ତି । ଯେଉଁଥିରେ ସେ ରିତେଶଙ୍କୁ ରାଗିକରି ମାଡ ମାରି କହୁଛନ୍ତି 'କ୍ୟା କିୟା, କ୍ୟା କିୟା' । ଏଥିସହିତ ଭିଡିଓରେ ଫିଲ୍ମର ଗୀତ ରାମ ଲଖନର ଗୀତ ବାଜୁଛି ।
ରିତେଶ ମଧ୍ୟ ଭୟଭୀତ ଭାବରେ ଅଭିନୟ କରି କହିଛନ୍ତି 'ତେରା ନାମ୍ ଲିୟା, ତୁଝେ ୟାଦ କିୟା' ।
ପ୍ରକାଶ ଥାଉ ଯେ, ସୋସିଆଲ ମିଡିଆରେ ଜେନେଲିଆଙ୍କ ଏହି ମଜାଳିଆ ଭିଡିଓକୁ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି ଏବଂ ଏହା ଖୁବ୍ ଭାଇରାଲ ହେବାରେ ମଧ୍ୟ ଲାଗିଛି ।
