ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଚଳଚ୍ଚିତ୍ର 'ଦିଲ ବେଚାରା' ପାଇଁ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ଏବଂ ଇମୋସନାଲ ଅଛନ୍ତି ।
ଫିଲ୍ମର ଟ୍ରେଲର ଜୁଲାଇ 6 ରେ ମୁକ୍ତିଲାଭ କରିଛି । ଏହି ଫିଲ୍ମର ଟ୍ରେଲର ପ୍ରଂଶସକମାନଙ୍କଠାରୁ ଏତେ ଭଲ ପାଇବା ପାଇଛି ଯାହା ଏକ ଓ୍ବାର୍ଲ ରେକର୍ଡ ମଧ୍ୟ କରିପାରିଛି ।
- " class="align-text-top noRightClick twitterSection" data="">
ଫିଲ୍ମର ଟ୍ରେଲର ରିଲିଜ୍ ହେବାର ମାତ୍ର 98 ମିନିଟରେ ଏହା 1 ମିଲିୟନରୁ ଅଧିକ ଲାଇକ୍ ପାଇଥିଲା । ଏହି ସମୟରେ, ଏହି ଟ୍ରେଲରକୁ 20 ମିଲିୟନରୁ ଅଧିକ ଭ୍ୟୁ ମିଳିଛି ।
ଏହା ସହିତ, ଏହି ଟ୍ରେଲରକୁ ୟୁଟ୍ୟୁବରେ ପ୍ରଂଶସକମାନେ ସର୍ବାଧିକ ଦେଖୁଛନ୍ତି ।
24 ଘଣ୍ଟା ମଧ୍ୟରେ, ଏହି ଟ୍ରେଲରକୁ ୟୁଟ୍ୟୁବରେ ପ୍ରାୟ 5 ମିଲିୟନ୍ ଲାଇକ୍ ମିଳିଛି । ଯାହା ଦୁନିଆର ସବୁଠୁ ବଡ ଚଳଚ୍ଚିତ୍ର 'ଆଭେଞ୍ଜର୍ସ: ଏଣ୍ଡଗେମ୍' ଏବଂ 'ଇନଫିନିଟି ୱାର୍' ରେକର୍ଡକୁ ମଧ୍ୟ ଅତିକ୍ରମ କରିଛି । ଏହି ଦୁଇଟି ଚଳଚ୍ଚିତ୍ରର ଟ୍ରେଲରକୁ ଯଥାକ୍ରମେ 36 ଲକ୍ଷ ଏବଂ 29 ଲକ୍ଷ ଲାଇକ୍ ମିଳିଛି ।
ସୁଶାନ୍ତଙ୍କ ସହ ମୁକେଶ ଛାବ୍ରାଙ୍କ ନିର୍ଦ୍ଦେଶିତ ଫିଲ୍ମ 'ଦିଲ ବେଚାରା'ରେ ଅଭିନେରତ୍ରୀ ସଞ୍ଜନା ସାଙ୍ଗୀ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି ।
ଏହି ଚଳଚ୍ଚିତ୍ରରେ ଅଭିନେତା ସୈଫ ଅଲି ଖାନ ମଧ୍ୟ ଏକ କ୍ୟାମିଓ ଭୂମିକାରେ ନଜର ଆସିବେ ।
ପ୍ରକାଶ ଥାଉ କି, ଜୁନ୍ 14 2020 ରେ ସୁଶାନ୍ତ ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରିଥିଲେ । ପୋଲିସ ଏହି ଘଟଣାର ତଦନ୍ତରେ ବ୍ୟସ୍ତ ଅଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
