ମୁମ୍ବାଇ: ନିକଟରେ ଅଭିନେତ୍ରୀ-ଚଳଚ୍ଚିତ୍ର ନିର୍ମାତା ପୂଜା ଭଟ୍ଟ ବଲିଉଡ ଅଭିନେତା ଫରାଜ ଖାନଙ୍କ ସ୍ବାସ୍ଥ୍ୟ ସମ୍ପର୍କରେ ସୂଚନା ଦେଇଛନ୍ତି । ତାଙ୍କ ଅବସ୍ଥା ଧୀରେ ଧୀରେ ସୁଧୁରୁଛି ବୋଲି କହିଛନ୍ତି ସେ ।
ଅକ୍ଟୋବର 14 ରେ, ଫରାଜ ମସ୍ତିଷ୍କ ସଂକ୍ରମଣରେ ପୀଡିତ ଥିବା ଖବର ସାମ୍ମନାକୁ ଆସିଥିଲା । ତେଣୁ ତାଙ୍କର ଚିକିତ୍ସା ପାଇଁ ବେଙ୍ଗାଲୁରୁର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯେଉଁଠାରେ ସେ ଜୀବନ ଓ ମୃତ୍ୟୁ ମଧ୍ୟରେ ସଂଘର୍ଷ କରୁଥିଲେ ।
ବର୍ତ୍ତମାନ ପୂଜା ଫରାଜଙ୍କ ସ୍ବାସ୍ଥ୍ୟ ବିଷୟରେ ସୂଚନା ଦେଇ ସେହି ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି, ଯେଉଁମାନେ ତାଙ୍କର ଚିକିତ୍ସା ପାଇଁ ପାଣ୍ଠି ସଂଗ୍ରହ କରି ସାହାଯ୍ୟ କରିଥିଲେ ।
ପୂଜା ଟ୍ବିଟ କରିଛନ୍ତି, ଫରାଜଙ୍କ ଚିକିତ୍ସାରେ ସାହାଯ୍ୟ କରିଥିବା ସମସ୍ତ ବିଶେଷ ତଥା ଉଦାର ଲୋକଙ୍କୁ ଧନ୍ୟବାଦ । ବର୍ତ୍ତମାନ ଫାରାଜଙ୍କ ସ୍ବାସ୍ଥ୍ୟରେ ସୁଧାର ଆସୁଛି ଏବଂ ତାଙ୍କ ପରିବାର 25 ଲକ୍ଷ ମଧ୍ୟରୁ 14,45,747 ଲକ୍ଷ ଟଙ୍କା ସଂଗ୍ରହ କରିଛନ୍ତି । ଚାଲନ୍ତୁ ଏହାକୁ ଏହିପରି ଆଗକୁ ବଢାନ୍ତୁ ।
ଫାରାଜ ଅନେକ ବଲିଉଡ ଚଳଚ୍ଚିତ୍ରରେ ଅଭିନୟ କରିଛନ୍ତି, ସେଥିମଧ୍ୟରୁ ଗୋଟିଏ ହେଉଛି 1998 ଚଳଚ୍ଚିତ୍ର 'ମେହେନ୍ଦୀ '। ଏହି ଚଳଚ୍ଚିତ୍ର ଫରାଜ ଅଭିନେତ୍ରୀ ରାନୀ ମୁଖାର୍ଜୀଙ୍କ ସହ ନଜର ଆସିଥିଲେ ।
ଏହା ବ୍ୟତୀତ ସେ 1996 ଚଳଚ୍ଚିତ୍ର ବିକ୍ରମ ଭଟ୍ଟଙ୍କ ଫରେବରେ ମଧ୍ୟ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
