ଗୁଜରାଟ: ଗତ ବର୍ଷ ଆଜିର ଏହି ଦିନରେ ସାଥ ଜନ୍ମର ସାଥୀ ସାଜିଥିଲେ ବଲିଉଡର ହଟ୍ କପଲ ଦୀପିକା ପାଦୁକୋନ ଓ ରଣବୀର ସିଂ । ଆଜି ଦୁଇଜଣଙ୍କ ପ୍ରଥମ ବିବାହ ବାର୍ଷିକ । ଏହି ଅବସରକୁ ଦୀପବିର ଯେତିକି ଏନଜୟ କରୁଛନ୍ତି । ତାହାଠୁ ଅଧିକ ତାଙ୍କ ଫ୍ୟାନ୍ସ ଦୁଇଜଣଙ୍କ ବିବାହ ବାର୍ଷିକକୁ ଖାସ୍ କରିବାରେ ଲାଗିଛନ୍ତି । ଏହି କ୍ରମରେ ଅଛନ୍ତି ତାଙ୍କ ସୁରତବାସୀ ପ୍ରଶଂସକ କରନ ଜରିୱାଲା ।
ସେ ଦୀପିକା ଓ ରଣବୀରଙ୍କୁ ବିବାହ ବାର୍ଷିକର ଶୁଭେଚ୍ଛା ଜଣାଇବା ପାଇଁ ଦୁଇଜଣଙ୍କ ରିସେପ୍ସନ ଫଟୋର ଏକ ଶାନଦାର ରଙ୍ଗୋଲୀ ନିର୍ମାଣ କରିଛନ୍ତି । କରନ ତିଆରି କରିଥିବା ଏହି ରଙ୍ଗୋଲୀକୁ ଦେଖି ଲାଗୁଛି ଏହା କୌଣସି ରଙ୍ଗୋଲୀ ନୁହେଁ ବରଂ ପେଣ୍ଟି । ପାଖାପାଖି 24 ଘଣ୍ଟାର ପରିଶ୍ରମ କରି କରନ ଏହି ରଙ୍ଗୋଲୀ ନିର୍ମାଣ କରିଛନ୍ତି । ଯାହା ଦୀପବିରଙ୍କ ପାଇଁ ଶାନଦାର ଉପରହାର ଠାରୁ କମ ନୁହେଁ ।
ସେମିତି ଦେଖିବାକୁ ଗଲେ ଦୀପିକା ଓ ରଣବୀରଙ୍କ ଅନେକ ଫ୍ୟାନ୍ସ ଅଛନ୍ତି । କିନ୍ତୁ ସେ ତାଙ୍କ ବିଗେଷ୍ଟ ଫ୍ୟାନ ବୋଲି ନିଜକୁ କହିଛନ୍ତି କରନ । ଆଉ ତାଙ୍କ ପ୍ରଥମ ବିବାହ ବାର୍ଷିକରେ ସେ କିଛି ଖାସ୍ କରି ଦୁଇଜଣଙ୍କୁ ଶୁଭେଚ୍ଛା ଦେବାକୁ ଚାହୁଁଥିଲେ । ସେଥିପାଇଁ 24 ଘଣ୍ଟା ପରିଶ୍ରମ କରି ଦୁଇଜଣଙ୍କ ଏହି ରୋଙ୍ଗଲୀ ନିର୍ମାଣ କରିଛନ୍ତି ।
