ହାଇଦ୍ରାବାଦ: 46 ବର୍ଷ ପୂର୍ବେ ରିଲିଜ ହୋଇଥିଲା ଫିଲ୍ମ 'ଜଞ୍ଜିର' । ଏଥିରେ ମୁଖ୍ୟ ଚରିତ୍ରରେ ନଜର ଆସିଥିଲେ ଅମିତାଭ ବଚ୍ଚନ । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ସେଥିରେ ଅମିତାଭଙ୍କ ମାଆ ଭୁମିକାରେ ନଜର ଆସିଥିଲେ ଇମରାନ ହାସମିଙ୍କ ଜେଜେମାଆ ।
ଏକଥା ନିଜେ କହିଛନ୍ତି କିସିଂ କିଙ୍ଗ ଇମରାନ ହାସମି । ଗତକାଲି ନୂଆ ଫିଲ୍ମ 'ଚେହେରେ' ର ସୁଟିଂ ସମୟରେ ଏକ ଟ୍ବିଟ କରି କହିଛନ୍ତି ଇମରାନ । ଗତକାଲି 'ଚେହେରେ'ର ସୁଟିଂ ଆରମ୍ଭ ହେଲା । ଏଥିରେ ଇମରାନଙ୍କ ସହ ନଜର ଆସିବେ ବିଗ ବି ଅମିତାଭ ବଚ୍ଚନ ।
ଏହାର କିଛି ସମୟ ପରେ ଅମିତାଭ ମଧ୍ୟ ନିଜର ଏକ ଫଟୋ ସହ ଟ୍ବିଟ କରି ଚେହେରେର ସୁଟିଂ ବିଷୟରେ ଜଣାଇଥିଲେ । ପ୍ରଥମ ଥର ପାଇଁ ଦୁଇଜଣଙ୍କୁ ଏକାଠି ଦେଖିବାକୁ ମିଳିବ । ତେବେ ଫିଲ୍ମକୁ ନିର୍ଦ୍ଦେଶନା ଦେବେ ରୁମୀ ଜାଫରେ । ଏହାକୁ ପ୍ରଯୋଜନା ଦେବ ଆନନ୍ଦ ପଣ୍ଡିତ ମୋଶନ ପିକ୍ଚର ଓ ସରସ୍ବତୀ ଏଣ୍ଟରଟେନମେଣ୍ଟ । ଫିଲ୍ମଟି 21 ଫେବୃଆରୀ, 2020ରେ ରିଲିଜ ହୋଇପାରେ ।
