ମୁମ୍ବାଇ: ଆରପାରିରେ ଭେଟରାନ ଆକ୍ଟର ରିଷି କପୁର । ଗୁରୁବାର କ୍ୟାନ୍ସର ଯୋଗୁଁ ଏକ ହସ୍ପିଟାଲରେ ରିଷିଙ୍କ ନିଧନ ହୋଇଥିଲା । ଏହି ଅବସରରେ ରାଜନେତାଠାରୁ ସେଲିବ୍ରିଟି ସମସ୍ତେ ବିଭିନ୍ନ ଫଟୋ ସେୟାର କରି ରିଷିଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।
ତେବେ ସମସ୍ତଙ୍କର ଆକର୍ଷଣ ପାଲଟିଛି ଏକତା କପୁର ସେୟାର କରିଥିବା ଏକ ପୁରୁଣା ଫଟୋ । ଏଥିରେ ରିଷି ବିଭିନ୍ନ ପୁରୁଣା ଅବିନେତାଙ୍କ ସହ ପାର୍ଟି କରୁଥିବାର ନଜର ଆସିଛନ୍ତି । ଜିତେନ୍ଦ୍ରଙ୍କ ଲାଡଲୀ ତଥା ଟିଭି ପ୍ରଯୋଜିକା ଏକତା ଏହି ଫଟୋ ସେୟାର କରି ଲେଖିଛନ୍ତି ଯେ ଆଉ ଏକାଠି ଏମାନେ ଏପରି ପାର୍ଟି କରିବେନି । ଗୁଡବାଏ ଅଙ୍କଲ ରିଷି ।
ଏଥିରେ ରିଷିଙ୍କ ସହ ପ୍ରେମ ଚୋପ୍ରା, ରାକେଶ ରୋଶନ, ସୁଜିତ କୁମାର, ଜିତେନ୍ଦ୍ର ଓ ନୀତୁ କପୁର ଥିବାର ଦେଖାଯାଇଛି । ରିଷି, ଜିତେନ୍ଦ୍ର ଓ ରାକେଶ ରୋଶନ ଭଲ ସାଙ୍ଗ ଥିଲେ । ସେ ସମୟରେ ଏମାନଙ୍କ ଦୋସ୍ତି ଚର୍ଚ୍ଚାର ବିଷୟ ପାଲଟିଥିଲା । ଅନେକ ସମୟରେ ଏମାନଙ୍କ ପାର୍ଟି କରିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ରିଷି ସବୁବେଳେ ପାର୍ଟି କରିବାକୁ ଭଲ ପାଉଥିଲେ । ସାଙ୍ଗମାନଙ୍କ ସହ ମଉଜମସ୍ତିରେ ସମୟ କାଟିବା କପୁର ଖାନଦାନ ଲାଡଲାଙ୍କର ପ୍ରଥମ ପସନ୍ଦ ଥିଲା ।
ଏହି ତିନି ଷ୍ଟାରଙ୍କ ଦୋସ୍ତି ଶେଷ ଯାଏଁ ମଧ୍ୟ ତାଜା ଥିଲା । ଗତବର୍ଷ ନ୍ୟୁୟର୍କରୁ କ୍ୟାନ୍ସର ଟ୍ରିଟମେଣ୍ଟ କରି ଫେରିବା ପରେ ରିଷିଙ୍କୁ 2 ସାଙ୍ଗ ସ୍ବାଗତ କରିଥିଲେ । ଯାହାକୁ ନିଜ ଟ୍ବିଟରରେ ପୋଷ୍ଟ କରି ରିଷି ଧନ୍ୟବାଦ ଦେଇଥିଲେ । ପୂର୍ବରୁ 3 ବର୍ଷ ତଳେ ଜୟପୁରରେ ଜିତେନ୍ଦ୍ରଙ୍କ 75 ତମ ଜନ୍ମଦିନରେ ପୁଣି 3 ସାଙ୍ଗ ଏକାଠି ହୋଇଥିଲେ । ଏଥିରେ ସେମାନେ ଖୁବ ମସ୍ତି କରୁଥିବାର ଦେଖାଯାଇଥିଲା । ସେତେବେଳେ ଏହି ଫଟୋ ଖୁବ ଭାଇରାଲ ହୋଇଥିଲା । ତିନି ସାଙ୍ଗ ଅନେକ ଫିଲ୍ମରେ ଏକାଠି କାମ ମଧ୍ୟ କରିଛନ୍ତି । ଯୁବବସ୍ଥାରେ ତିନି ଜଣ ଖୁବ ପାର୍ଟି କରିଥିଲେ । ଯାହା ବୟସର ଅପରାହ୍ନ ଯାଏଁ ମଧ୍ୟ ଜାରି ରହିଥିଲା ।
