ମୁମ୍ବାଇ: ଫିଲ୍ମ ଓ ଟିଭିର ଫେମସ ନିର୍ମାତା ଏକତା କପୁରଙ୍କ ନେଇ କିଛି ଦିନ ହେବ ସବୁ ମହଲରେ ଚର୍ଚ୍ଚା । ତାଙ୍କ ସମାଲୋଚନା ସବୁ ଆଡେ ଦେଖିବାକୁ ମିଳୁଛି । ନିକଟରେ ତାଙ୍କ ୱେବ ସିରିଜ ‘ଟ୍ରିପଲ ଏକ୍ସ ସିଜନ 2’ର ଏପିସୋଡ ‘ପ୍ୟାର ଔର ପ୍ଲାଷ୍ଟିକ’କୁ ନେଇ ସୃଷ୍ଟି ହୋଇଥିବା ବିବାଦ । ଯାହାକୁ ଆଧାର କରି ତାଙ୍କ ନାମରେ ଏଫଆଇଆର ମୁମ୍ବାଇ ଖାର ପୋଲିସ ଷ୍ଟେସନ, ହାଇଦ୍ରାବାଦ ସାଇବର କ୍ରାଇମ ଷ୍ଟେସନରେ ରୁଜୁ ହୋଇସାରିଛି ।
ଖାଲି ଏତିକି ନୁହେଁ ଭାରତୀୟ ସେନା ସୁରକ୍ଷା ବାହିନୀରେ ମଧ୍ୟ ତାଙ୍କ ୱେବ ସିରିଜକୁ ନେଇ ଚହଳ । ଇତିମଧ୍ୟରେ ତାଙ୍କୁ ସୋସିଆଲ ମିଡିଆରେ ଧମକ ମଧ୍ୟ ମିଳିବା ଆରମ୍ଭ ହୋଇଯାଇଛି ।
ଏହି ଧମକରେ ତାଙ୍କୁ ଦୁଷ୍କର୍ମ ଓ ହତ୍ୟା ଭଳି ଧମକ ଦିଆଯାଉଛି । ଯାହାର ଅଭିଯୋଗ ମୁମ୍ବାଇ ପୋଲିସ ପାଖରେ କରାଯାଇଛି ।
ପ୍ରକାଶ ଥାଉକି ତାଙ୍କ ୱେବ ସିରିଜକୁ ନେଇ ଅଭିଯୋଗ ହୋଇଛି ଯେ ଏହି ୱେବ ସିରିଜ କେନ୍ଦ୍ରୀୟ ସୁରକ୍ଷା ବାହିନୀର ଭାବମୂର୍ତ୍ତିକୁ ଆହତ କରିଛି । ଏହି ବିବାଦ ଛୋଟ ପରଦାର ରିୟାଲିଟି ଶୋ ବିଗ ବସ 13ରେ ନଜର ଆସିସାରିଥିବା ହିନ୍ଦୁସ୍ତାନୀ ଭାଉଙ୍କ ଦ୍ବାରା ସୃଷ୍ଟି ହୋଇଥିଲା । ଯାହା ଏବେ ଏକତାଙ୍କ ପାଇଁ ବଡ ସମସ୍ୟା ସାଜିଛି । ସେ ନିକଟରେ ମୁମ୍ବାଇର ଖାର ପୋଲିସ ଷ୍ଟେସନରେ ଏକତା ଓ ଶୋଭାଙ୍କ ନାମରେ ଏହି ଅଭିଯୋଗ ଦାଖଲ କରିଥିଲେ ।
