ମୁମ୍ବାଇ: ଫେମସ ଅଭିନେତା ଆୟୁଷ୍ମାନ ଖୁରାନା ଏଥର ‘ଡ୍ରିମ ଗାର୍ଲ’ ହୋଇ ଦର୍ଶକଙ୍କ ହୋସ ଉଡାଇବେ । ସେ ନିଜର ଆଗାମୀ ଫିଲ୍ମ ‘ଡ୍ରିମ ଗାର୍ଲ’କୁ ନେଇ ଖୁବ୍ ଚର୍ଚ୍ଚାରେ । କିଛି ଦିନ ପୂର୍ବରୁ ଫିଲ୍ମର ଟ୍ରେଲର ରିଲିଜ ହୋଇଥିଲା । ଯାହାକୁ ଦେଖି ଦର୍ଶକ ହସି ହସି ବେହାଲ । କାରଣ ଟ୍ରେଲରରେ ଆୟୁଷ୍ମାନଙ୍କ ଝିଅ ଅବତାର ଦେଖିବାକୁ ମିଳିଥିଲା । କେତେବେଳେ ସେ ରାଧା ତ କେତେବେଳେ ପୂଜା ହୋଇ ଲୋକଙ୍କୁ ନିଜ ଦିୱାନା କରୁଥିବାର ଦେଖାଯାଇଥିଲେ । ଫିଲ୍ମ ରିଲିଜ ପୂର୍ବରୁ ଟ୍ରେଲରଟି ଦର୍ଶକଙ୍କ ମଧ୍ୟରେ ହିଟ୍ ସାବ୍ୟସ୍ତ ହୋଇସାରିଲାଣି ।
ଇତିମଧ୍ୟରେ ସୋସିଆଲ ମିଡିଆରେ ‘ଡ୍ରିମ ଗାର୍ଲ’ର ଅନେକ ମିମି ଘୁରିବୁଲୁଥିବାର ଦେଖିବାକୁ ମିଳୁଛି । ଏହି ମିମି ଟିକଟକ, ମମି-ପାପା ଏବଂ ନିତିଦିନ ବ୍ୟବହାର ହେଉଥିବା କଥାରେ ସମ୍ପୃକ୍ତ କରାଯାଇ ସେୟାର କରାଯାଇଛି ।
ଟ୍ବିଟରରେ ଜଣେ ୟୁଜର ଲେଖିଛନ୍ତି, ‘ଯେତେବେଳେ ମତେ କେହି ପ୍ରଶ୍ନ କରୁଛନ୍ତି କି ବିବାହ କେବେ କରିବ ତେବେ ଭଳି ମୋ ଡାଇଲଗ ଆୟୁଷ୍ମାନଙ୍କ ପରି ହେଉଛି ବୁଝିପାରୁନି ଦୁଲହା ହେବି ନା ଦୁଲହନ ।’
ସେହିଠାରେ ଆଉ ଜଣେ ୟୁଜର ଫିଲ୍ମ ଡାଇଲଗ ସେୟାର କରି ଲେଖିଛନ୍ତି ‘ବିଜୟ ମାଲ୍ୟାଙ୍କ ବ୍ୟତୀତ ଅଲଗା କେହି ହୋଇପାରିବେ ନାହିଁ ’। ଏପରି ଅନେକ ମିମି ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି । ଯାହାକୁ ପଢି ଆପଣ ହସି ହସି ବେହାଲ ହୋଇଯିବେ ।
