ମୁମ୍ବାଇ: ବି-ଟାଉନର ହିମ୍ୟାନ ଧର୍ମେନ୍ଦ୍ର ବଲିଉଡକୁ ଅନେକ ହିଟ୍ ଫିଲ୍ମ ଦେଇସାରିଛନ୍ତି । ଏହାସହ ସେ ଅନେକ ଭୂମିକାରେ ନଜର ଆସିଛନ୍ତି । ତେବେ ବର୍ତ୍ତମାନ ଧର୍ମେନ୍ଦ୍ର ଏମିତି କିଛି କରିବାକୁ ଯାଉଛନ୍ତି, ଯାହା ସେ ପୂର୍ବରୁ କେବେ ମଧ୍ୟ କରିନାହାଁନ୍ତି ।
କଥାଟି ହେଲା ଲେଖକ ଏବଂ ନିର୍ଦ୍ଦେଶକ ମନୋଜ ଶର୍ମା ଏହି ସମୟରେ ଖୁବ୍ ଉତ୍ସାହିତ ଅଛନ୍ତି । କାରଣ ସେ ନିଜର ଆଗାମୀ କମେଡି ହରର ଫିଲ୍ମ 'ଖଲି ବଲି'ରେ ଧର୍ମେନ୍ଦ୍ରଙ୍କୁ କାଷ୍ଟ କରିନେଇଛନ୍ତି । ଏହା ଧର୍ମେନ୍ଦ୍ରଙ୍କ ପ୍ରଥମ ହରର କମେଡି ଫିଲ୍ମ ।
ପ୍ରକାଶ ଥାଉକି ଫିଲ୍ମର ସୁଟିଂ ମୁମ୍ବାଇରେ ଆରମ୍ଭ ହୋଇଯାଇଛି । ଅନ୍ୟପଟେ ଧର୍ମେନ୍ଦ୍ର ମଧ୍ୟ ଫିଲ୍ମର ସୁଟିଂକୁ ଖୁବ୍ ଏନଜୟ କରୁଛନ୍ତି । 'ଖଲି ବଲି' ଫିଲ୍ମରେ ସେ ମନୋଚିକିତ୍ସକ ଭୂମିକାରେ ନଜର ଆସିବେ ।
ଫିଲ୍ମରେ ଧର୍ମେନ୍ଦ୍ରଙ୍କ ବ୍ୟତୀତ ଅଭିନେତ୍ରୀ ମଧୁ, କାୟନାତ ଅରୋରା, ରନଜୀଶ ଦୁଗ୍ଗଲ, ବିଜୟ ରାଜ, ଏକତା ଜୈନ, ୟାସମୀନ ଖାନ, ବ୍ରିଜେନ୍ଦ୍ର କାଲା, ୟୋଗେଶ ଲଖାନୀ ଓ ଅଶାରାନୀ ମୁଖ୍ୟ ଭୂମିକାରେ ଦେଖାଯିବେ ।
