ମୁମ୍ବାଇ: ଶେଷରେ ସୁଟିଂକୁ ଫେରିଛନ୍ତି ଅଭିନେତ୍ରୀ ଦୀପିକା ପାଦୁକୋନ। ଗତବର୍ଷ ଫିଲ୍ମ 'ପଦ୍ମାବତ'ଜରିଆରେ ବକ୍ସଅଫିସରେ ଧମାଲ କରିଥିବା ଦୀପିକା ମେଘନା ଗୁଲଜାରଙ୍କ ଫିଲ୍ମ 'ଛପାକ'ର ସୁଟିଂ ଆଜି ଆରମ୍ଭ କରିଥିବାବେଳେ ସୋସିଆଲ ମିଡିଆରେ ସେୟାର କରିଛନ୍ତି ଫିଲ୍ମର ଫାଷ୍ଟ ଲୁକ।
ତେବେ ଫିଲ୍ମ 'ଛପାକ' ଏକ ମହିଳା କୈନ୍ଦ୍ରିକ ଓ ଏସିଡ ପିଡୀତା ଲକ୍ଷ୍ମୀ ଅଗ୍ରୱାଲଙ୍କ କାହାଣୀକୁ ନେଇ ଆଧାରିତ। ଫିଲ୍ମର ନିର୍ଦ୍ଦେଶନା ଦେଇଛନ୍ତି ମେଘନା ଗୁଲଜାର। ତେବେ ସାମନାକୁ ଆସିଥିବା ଫାଷ୍ଟ ଲୁକରେ ଦୀପିକା ସମ୍ପୂର୍ଣ୍ଣ ଲକ୍ଷ୍ମୀଙ୍କ ପରି ନଜର ଆସିଛନ୍ତି। ଫଟୋଟି ଦେଖି ଲାଗୁଛି ଯେ ଲକ୍ଷ୍ମୀ ନିଜ ଜୀବନର ସମସ୍ତ ଦୁଃଖ କଷ୍ଟ ହସିହସି ସାମନା କରିଛନ୍ତି।
ପ୍ରକାଶ ଥାଉକି, ଦୀପିକାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ଭିକ୍ରାନ୍ତ ମୌସୀ। ଫିଲ୍ମର ଫାଷ୍ଟ ଲୁକ ସହ ରିଲିଜ ଡେଟ ବି ଘୋଷଣା କରିଛନ୍ତି ଦୀପିକା। ଫାଷ୍ଟ ଲୁକ ସେୟାର କରି ଦୀପିକା ଶୀର୍ଷକରେ ଲେଖିଛନ୍ତି, ଗୋଟିଏ ଭୂମିକା ଯାହା ମୋ ସହ ସର୍ବଦା ରହିବ 'ମାଲତୀ'। ଛପାକ ସୁଟିଂ ଆଜି ଆରମ୍ଭ ହେଲା। 2020 ଜାନୁୟାରୀ 10ରେ ରିଲିଜ।'
