ନୂଆଦିଲ୍ଲୀ: ବି-ଟାଉନର ସୁପରହିଟ୍ ଯୋଡି ଦୀପିକା ପାଦୁକୋନ ଓ ରଣଭୀର ସିଂହଙ୍କ ରୋମାନ୍ସ ବିବାହ ପରେ ଏବେ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳିଛୁ । ପ୍ରାୟତଃ ଏହି କପଲ ସୋସିଆଲ ମିଡିଆରେ ପରସ୍ପରକୁ ମଜାଦାର କମେଣ୍ଟ କରୁଥିବାର ଦେଖାଯାଇଥାଆନ୍ତି । ଏବେ ଦୀପିକାଙ୍କ ଫଟୋରେ ରଣଭୀର କିଛି ଏମିତି କମେଣ୍ଟ କରିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି ।
ଜଣାଇ ଦେଉଛୁ ଯେ ଏହି ସମୟରେ ଦୀପିକା ଗୋଟିଏ କମ୍ପାନୀର ବିଜ୍ଞାପନରେ ବ୍ୟସ୍ତ ଅଛନ୍ତି । ଯାହାର ଫଟୋ ସେ ନିଜ ଇନଷ୍ଟାଗ୍ରାମରେ ସେୟାର କରିଥିଲେ । ପତ୍ନୀଙ୍କ ଏହି ଫଟୋ ଦେଖି ସ୍ବାମୀ ରଣଭୀର ନିଜକୁ କାବୁ କରିପାରିନଥିଲେ । ସେ ସୋସିଆଲ ମିଡିଆରେ ପତ୍ନୀଙ୍କ ସହ ଖୁବ୍ ମସ୍ତି କରୁଥିବାର ନଜର ଆସିଥିଲେ ।
ଦୀପିକା ଇନଷ୍ଟାଗ୍ରାମରେ ବିଜ୍ଞାପନର କିଛି ଫଟୋ ସେୟାର କରିଛନ୍ତି । ସ୍ନାକ୍ସ ଟାଇମରେ ଦହି ଖାଇବାକୁ କହିଛନ୍ତି । ଦୀପିକାଙ୍କ ଏହି ଫଟୋକୁ ଦେଖି ରଣଭୀର ମସ୍ତିଭରା ଅନ୍ଦାଜରେ କମେଣ୍ଟ କରିଛନ୍ତି, 'ତୁମେ ମୋ ସ୍ନାକ୍ସ ।' ଅନ୍ୟପଟେ ଦୀପିକା କେଉଁଠାରେ ଚୁପ ବସିବା ଝିଅ । ସେ ମଧ୍ୟ ରିପ୍ଲାଏ କରି ଲେଖିଛନ୍ତି 'ତୁମେ ମୋର ଚିଜି ଡିପ ।' ଦୁଇଜଣଙ୍କ ଏପରି କମେଣ୍ଟରେ ଖୁବ୍ ମଜା ନେଇଥିଲେ ଫ୍ୟାନ୍ସ ।
