ମୁମ୍ବାଇ: ମିଷ୍ଟର ଝକାସ୍ ଅନିଲ କପୁରଙ୍କ ଅଭିନୀତ ଫିଲ୍ମ ‘ଏକେ ଭର୍ସେସ ଏକେ’ ନିକଟରେ ନେଟଫ୍ଲିକ୍ସରେ ରିଲିଜ ହୋଇଥିଲା । ନିର୍ଦ୍ଦେଶକ ଅନୁରାଗ କଶ୍ୟପଙ୍କ ସହ ସେ ଏହି ଫିଲ୍ମରେ ପ୍ରଥମଥର କାମ କରିଥିଲେ । ଇତିମଧ୍ୟରେ 2021 ବର୍ଷ ସମସ୍ତଙ୍କ ପାଇଁ ଭଲ ଆଣିବ ବୋଲି ଆଶା କରିବା ସହ ‘ଏକେ ଭର୍ସେସ ଏକେ’ ପାଇଁ ସମସ୍ତଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି।
‘ଏକେ ଭର୍ସେସ ଏକେ’ରେ ମିଳିଥିବା ଶାନଦାର ପ୍ରତିକ୍ରିୟା ଉପରେ ଜବାବ ଦେଇ ଅନିଲ କହିଛନ୍ତି, ‘ଯେତେବେଳେ ଦର୍ଶକ ତୁମ ଫିଲ୍ମ ଏବଂ ତୁମ ପ୍ରଦର୍ଶନକୁ ପସନ୍ଦ କରନ୍ତି ସେତେବେଳେ ବହୁତ ଭଲ ଲାଗେ । ମୁଁ ବହୁତ ଖୁସି ଅଛି ମୋ ଏହି ଫିଲ୍ମକୁ ଦର୍ଶକଙ୍କ ଭଲ ପ୍ରତିକ୍ରିୟା ମିଳିଥିବାରୁ । ଏମିତି କିଛି ଫିଲ୍ମ ଅଛି ଯାହା କେବଳ ବଡ ପରଦା ପାଇଁ ନିର୍ମିତ । ମୋର କିଛି ଫିଲ୍ମ ଅଛି ଯାହା ଚଳିତ ବର୍ଷ ରିଲିଜ୍ ହେବାକୁ ଯାଉଛି, ତେଣୁ ମୁଁ ଆଶା କରେ ଦର୍ଶକ ସେହି ଫିଲ୍ମଗୁଡିକୁ ସିନେମାହଲରେ ଦେଖିବେ । ମୁଁ ଏହା ବିଷୟରେ ନିଶ୍ଚିତ କାରଣ ଲୋକେ ସିନେମାହଲରେ ଫିଲ୍ମ ଦେଖିବାକୁ ଆଗ୍ରହୀ ଅଟନ୍ତି । ବହୁତ କମ୍ ଫିଲ୍ମ ଅଛି ଯାହା ଆପଣଙ୍କୁ ବଡ ପରଦାରେ ଏବଂ ଓଟିଟି ପ୍ଲାଟଫର୍ମରେ ସମାନ ଆନନ୍ଦ ଦେଇଥାଏ । ଯେମିତି କି ଏକେ ଭେସସ ଏକେ ।’
ଖାଲି ଏତିକି ନୁହେଁ ସେ ସିନେମାହଲ ଖୋଲିବା ପ୍ରସଙ୍ଗ ଉପରେ କହିଛନ୍ତି, ‘ବର୍ତ୍ତମାନ କୋରୋନା ଟୀକା ମଧ୍ୟ ସରକାରଙ୍କ ଦ୍ବାରା ଅନୁମୋଦିତ ହୋଇଛି । ତେଣୁ ମୁଁ ପ୍ରାର୍ଥନା କରୁଛି ଯେ ସିନେମାହଲ ପୂର୍ବ ପରି ସମାନ କ୍ଷମତା ସହିତ ଖୋଲାଯିବ। ମୁଁ ଆଶା କରୁଛି ଏହି ବର୍ଷ ଲୋକେ ସବୁ ଫିଲ୍ମ ହଲରେ ଦେଖିପାରିବେ । ଜୀବନ ପ୍ରତି ମୋର ଏକ ସକରାତ୍ମକ ଆଭିମୁଖ୍ୟ ଅଛି ଏବଂ ଭଗବାନ ଇଚ୍ଛା କଲେ ସବୁକିଛି ଠିକ୍ ରହିବ । ମୁଁ ନିଶ୍ଚିତ ଭାବେ ଅନୁଭବ କରୁଛି 2021 ଫିଲ୍ମ ଭ୍ରାତୃତ୍ବ ସମେତ ସମସ୍ତଙ୍କ ପାଇଁ ଏକ ଉତ୍ତମ ବର୍ଷ ହେବ ।’
@IANS
