ମୁମ୍ବାଇ: ବି-ଟାଉନର କ୍ୟୁଟ ଆକ୍ଟର ଶାହିଦ କପୁର ବର୍ତ୍ତମାନ ନିଜର ଆଗାମୀ ଫିଲ୍ମ ‘ଜର୍ସି’କୁ ନେଇ ଖୁବ୍ ବ୍ୟସ୍ତ । ଏହି ଫିଲ୍ମ ତେଲୁଗୁ ସୁପରହିଟ୍ ଫିଲ୍ମ ‘ଜର୍ସି’ର ହିନ୍ଦୀ ରିମେକ । ଜଣେ କ୍ରିକେଟର ଭୂମିକାରେ ଫିଲ୍ମରେ ନଜର ଆସିବେ ଶାହିଦ । ହେଲେ ଏହାପୂର୍ବରୁ ତାଙ୍କ ବାଇକ ଅବତାର ସୋସିଆଲ ମିଡିଆରେ ଚହଳ ସୃଷ୍ଟି କରିଛି । ଭାଇରାଲ ହେଉଥିବା ତାଙ୍କ ଏହି ନୂଆ ଲୁକକୁ ଦେଖି ସମସ୍ତେ ବାଃ ବାଃ କହିବାରେ ଲାଗିଛନ୍ତି ।
କଥାଟି ହେଲା ଯେ ରବିବାର ଶାହିଦ ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଥିଲେ । ଯେଉଁଥିରେ ସେ ବାଇକରେ ବସିଥିବାର ନଜର ଆସୁଛନ୍ତି । ଆଉ ତାଙ୍କ ନୂଆ ଲୁକ ମଧ୍ୟ ଦେଖିବାକୁ ମିଳୁଛି । ଲେଦର ଜ୍ୟାକେଟ ସହ ଲଙ୍ଗ ହେୟାର ଫ୍ୟାନ୍ସଙ୍କୁ ଆକର୍ଷିତ କରିଛି । ଯାହାପାଇଁ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ତାଙ୍କ ଏହି ଫଟୋ । ଏଯାବତ ଶାହିଦଙ୍କ ଫଟୋକୁ 10 ଲକ୍ଷରୁ ଅଧିକ ଲାଇକ୍ସ ମିଳିସାରିଲାଣି । ଆପଣ ବି ଦେଖନ୍ତୁ ଫଟୋ...
- " class="align-text-top noRightClick twitterSection" data="
">
ଯଦି ତାଙ୍କ ଫିଲ୍ମ ‘ଜର୍ସି’ ବିଷୟରେ କଥା ହେବା ତେବେ ଏହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଗୌତମ ତିନ୍ନାରୁ । ସେହିପରି ଫିଲ୍ମରେ ତାଙ୍କ ସହ ପ୍ରଥମଥର ପରଦାରେ ରୋମାନ୍ସ କରିବେ ‘ସୁପର 30’ ଅଭିନେତ୍ରୀ ମୃଣାଳ ଠାକୁର ।
