ହାଇଦ୍ରାବାଦ: ଗୁଜୁରାଟ ସୁରତର ତକ୍ଷଶୀଳା କମ୍ପ୍ଲେକ୍ସରେ ଶୁକ୍ରବାର ନିଆଁ ଲାଗି 20ଜଣ ଛାତ୍ରଙ୍କ ଜୀବନ ଦୀପ ଲିଭିଯାଇଛି । କେହିକିଛି ଭାବିବା ପୂର୍ବରୁ ଘଟି ଯାଇଛି ଏପରି ଅଘଟଣ । ଏନେଇ ସାରା ଦେଶ ଶୋକ ପ୍ରକାଶ କରିଥିବା ବେଳେ ଅନେକ ବଲିଉଡ ସେଲବ୍ରିଟି ମଧ୍ୟ ଶୋକ ପ୍ରକାଶ କରିଛନ୍ତି ।
ଅଭିନେତ୍ରୀ ଭୂମି ପେଡନେକର ନିଜ ଟ୍ବିଟର ହାଣ୍ଡେଲରେ ମୃତକଙ୍କ ପରିବାରକୁ ଆଶ୍ବସନା ଦେଇଛନ୍ତି । ଏହାସହ ସିକ୍ୟୁରିଟି ଓ ନିରାପଦକୁ ନେଇ ଅଧିକ ସତର୍କ ରହିବାକୁ ପରାମର୍ଶ ଦେଇଛନ୍ତି ଭୁମି । ଅନ୍ୟପକ୍ଷେ ବିଗ ବି ଅମିତାଭ ବଚ୍ଚନ ମଧ୍ୟ ଶୋକ ପ୍ରକାଶ କରିଛନ୍ତି ।
ଏହାଛଡା ଶ୍ରଦ୍ଧା କପୁର, ସୋନୁ ସୁଦ, ସଂଗ୍ରାମ ସିଂହ ଆଦି କଳାକାର ମଧ୍ୟ ଟ୍ବିଟରରେ ଶୋକ ପ୍ରକାଶ କରିବା ସହ ଆହାତମାନଙ୍କର ଶୀଘ୍ର ଆରୋଗ୍ୟ କାମନା କରିଛନ୍ତି ।
