ମୁମ୍ବାଇ: ସାଉଥ ସୁପରଷ୍ଟାର ପ୍ରଭାସ ଫିଲ୍ମ ‘ତାନାଜୀ’ ନିର୍ଦ୍ଦେଶକ ଓମ ରାଉତଙ୍କ ଆଗାମୀ ଫିଲ୍ମ ‘ଆଦିପୁରୁଷ’କୁ ନେଇ ଉତ୍ସାହିତ । ବର୍ତ୍ତମାନ ସେ ପ୍ରସ୍ତୁତ ଅଛନ୍ତି ଫିଲ୍ମ ସୁଟିଂ କରିବା ପାଇଁ । ଏହି 3ଡି ଫିଲ୍ମକୁ ପ୍ରଥମେ ହିନ୍ଦୀ ଏବଂ ତେଲୁଗୁରେ ରିଲିଜ କରାଯିବ । ଆଉ ଏହା ପରେ ତାମିଲ, ମାଲୟାଲମ, କନ୍ନଡ ସହିତ ଅନ୍ୟ ଭାଷାରେ ଡବ କରିବା ପାଇଁ ଯୋଜନା କରିଛନ୍ତି ମେକର୍ସ । ନିକଟରେ ଫିଲ୍ମରେ ଛୋଟେ ନୱାବ ସୈଫ ଅଲ୍ଲୀ ଖାନଙ୍କ ଏଣ୍ଟ୍ରି ହୋଇଥିଲା । ଆଉ ମେକର୍ସ ଫିଲ୍ମ ପାଇଁ ମୁଖ୍ୟ ଅଭିନେତ୍ରୀଙ୍କୁ ଖୋଜୁଥିଲେ । ହେଲେ ଇତିମଧ୍ୟରେ ଶୁଣିବାକୁ ମିଳୁଛି ଯେ ମେକର୍ସଙ୍କୁ ବର୍ତ୍ତମାନ ଅଭିନେତ୍ରୀ ମିଳିଯାଇଛନ୍ତି ।
ଆଜ୍ଞା ହଁ, ପରଦାରେ ପ୍ରଭାସଙ୍କ ସହ ରୋମାନ୍ସ କରିବେ ସୁନ୍ଦରୀ ଅଭିନେତ୍ରୀ କିର୍ତ୍ତୀ ସାନନ । ସେ ଫିଲ୍ମରେ ସୀତାଙ୍କ ଭୂମିକାରେ ଅଭିନୟ କରିବେ । ଓମ ନିକଟରେ କିର୍ତ୍ତୀ ତିଙ୍କୁ ସ୍କ୍ରିପ୍ଟ ଶୁଣାଇଥିଲେ, ଯାହା ତାଙ୍କୁ ପସନ୍ଦ ଆସିଥିଲା । ହେଲେ ଫିଲ୍ମ ପାଇଁ ଏଯାବତ ସେ ସାଇନ କରିନାହାଁନ୍ତି ।
ତାଙ୍କ ସାଇନ ପରେ ମେକର୍ସ ଫିଲ୍ମର ପୁରା ଷ୍ଟାରକାଷ୍ଟଙ୍କ ଅଧିକାରୀକ ଘୋଷଣା କରିବେ । ପ୍ରକାଶ ଥାଉକି କିର୍ତ୍ତୀଙ୍କ ପୂର୍ବରୁ ଶୁଣିବାକୁ ମିଳୁଥିଲା ଯେ କିୟାରା ଆଡଭାନୀ ଓ କ୍ରିତି ସୁରେଶ ଏହି ଫିଲ୍ମରେ ଅଭିନୟ କରିପାରନ୍ତି । ହେଲେ ଏବେ ଲାଗୁଛି ଫିଲ୍ମରେ ଏହି ଦୁଇ ଅଭିନେତ୍ରୀଙ୍କୁ ଦେଖିବାକୁ ମିଳିବ ନାହିଁ ।
