ମୁମ୍ବାଇ: ବିଗ ବସ ୧୫ରେ ନିଜର ରିଲେସନସିପକୁ ନେଇ ଚର୍ଚ୍ଚାରେ କରନ କୁନ୍ଦ୍ରା ଓ ତେଜସ୍ବୀ ପ୍ରକାଶ । କିନ୍ତୁ ଆଗାମୀ ଏପିସୋଡ଼ରେ ଉଭୟଙ୍କ ରିଲେସନସିପରେ ଫାଟ ସୃଷ୍ଟି ହୋଇଥିବା ଦେଖିବେ ଦର୍ଶକ । କରନ ଓ ତେଜସ୍ବୀଙ୍କ ମଧ୍ୟରେ ଭୀଷଣ ଝଗଡ଼ା ଲାଗିଥିବାବେଳେ ତେଜସ୍ବୀ କାନ୍ଦୁଥିବା ନଜର ଆସିଛନ୍ତି ।
- " class="align-text-top noRightClick twitterSection" data="
">
ଏକ ଟାସ୍କରେ ତେଜସ୍ବୀ କରନଙ୍କୁ 'କମଜୋରୋ କି ନିଶାନି' କହୁଥିବା ଦେଖିବାକୁ ମିଳିଛି । ତେବେ ଏହା କେଉଁ ଟାସ୍କ ସେ ସମ୍ପର୍କରେ ସ୍ପଷ୍ଟ ହୋଇନାହିଁ । ତେଜସ୍ବୀଙ୍କଠାରୁ ଏହି ମନ୍ତବ୍ୟ ଶୁଣିବା ପରେ କରନ କ୍ରୋଧିତ ହୋଇଥିବା ଦେଖିବାକୁ ମିଳିଛି । ଏହାପରେ କରନ କହିଛନ୍ତି ଯେ, "ମେରେ ପିଛେ ପିଛେ ମତ୍ ଖେଲା କର୍..ଜୋ ତୁ ହରକତେଁ କରତି ଫିରତି ହେ ପୁରି ଦୁନିଆ ଦେଖ ରହି ହେ" । ମୋ ପଛରେ ଗେମ୍ ଖେଳିବା ଦରକାର ନାହିଁ । ତୁମେ ଯାହା କରୁଛ ଦର୍ଶକମାନେ ଦେଖୁଛନ୍ତି ବୋଲି କରନ ତେଜସ୍ବୀଙ୍କୁ କହିଛନ୍ତି ।
ଏହାପରେ ତେଜସ୍ବୀ କହିଥିଲେ ଯେ, "ମୁଁ ଗୋଟିଏ ଲାଇନ୍ କହିବା ପରେ, ତୁମେ ଏପରି ବ୍ୟବହାର କରୁଛ ।" ଏହାପରେ କରନ ତେଜସ୍ବୀଙ୍କୁ କହିଥିଲେ ଯେ, ନିଜ ମୁହଁ ଦେଖ । ତେଜସ୍ବୀଙ୍କ ସହିତ ହାଉସରେ କିଏ ଅଛି ତାହା ସେ ଜାଣିପାରୁନଥିବା କରନ କହିଥିଲେ । ଏହାପରେ ତେଜସ୍ବୀ କାନ୍ଦୁଥିବା ନଜର ଆସିଛନ୍ତି ।
ଏହା ବି ପଢନ୍ତୁ: ନିଜକୁ ଧନ୍ୟବାଦ ଜଣାଇ ଇମୋସନାଲ୍ ଭିଡିଓ ସେୟାର କଲେ ରିୟା
କିଏ ଏପରି ନିଜ ଗର୍ଲଫ୍ରେଣ୍ଡ ସହିତ କଥାବାର୍ତ୍ତା କରେ ବୋଲି କହିଥିଲେ ତେଜସ୍ବୀ । ବିଗବସ ହାଉସର ଅନ୍ୟ ସଦସ୍ୟ ନିଶାନ୍ତ ଭଟ୍ଟ ଓ ପ୍ରତୀକ ସେହଜପାଲଙ୍କୁ ତେଜସ୍ବୀ ଏପରି କହି କାନ୍ଦି ସେଠାରୁ ପଳାଇଥିବା ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
