ମୁମ୍ବାଇ: ବିଗବସ ୧୫ର ୱିକେଣ୍ଡ କା ବାର୍ରେ କାନ୍ଦିଲେ ସମିତା ସେଟ୍ଟୀ । ସହ-ପ୍ରତିଯୋଗୀ ରାକ୍ଷୀ ସାୱନ୍ତ ତାଙ୍କ ଅସୁସ୍ଥତାକୁ ନେଇ ମଜାକ୍ ଉଡ଼ାଇବା ପରେ ସମିତା କାନ୍ଦୁଥିବା ଆସିଛନ୍ତି ନଜର । ଏହାସହିତ ଶୋ' ମଧ୍ୟରୁ ଉଠି ପଳାଇ ଯାଇଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ଶୋ'ର ପ୍ରୋମୋ ଭିଡ଼ିଓରେ ଦେଖିବାକୁ ମିଳିଛି ଯେ ସମିତାଙ୍କ ପରିବାର ଦ୍ବାରା ପଚରାଯାଇଥିବା ପ୍ରଶ୍ନକୁ ସଲମାନ ସମିତାଙ୍କୁ ପଚାରିଛନ୍ତି । ସମିତାଙ୍କ କାନ୍ଧରେ ଆଘାତ ଲାଗିଥିବାବେଳେ ସେ କିପରି ନିଜର କେଶକୁ ଶୁଖାଉଛନ୍ତି ବୋଲି ପ୍ରଶ୍ନ ପଚାରିଥିଲେ । ଏହି ବାର୍ତ୍ତାଳାପ ମଧ୍ୟରେ ରାକ୍ଷୀ ସମିତାଙ୍କ ନକଲ କରି ମଜାକ୍ ଉଡ଼ାଇବା ସହିତ ହସିଥିଲେ ମଧ୍ୟ । ଏଥିରେ ସଲମାନ ମଧ୍ୟ ହସିଥିବା ଦେଖିବାକୁ ମିଳିଥିଲା । ସମିତା ନିଜର ମଜାକ୍ ବନୁଥିବା ଦେଖି କ୍ରୋଧାନ୍ବିତ ହୋଇଥିଲେ ଏବଂ କାନ୍ଦୁଥିବା ନଜର ଆସିଛନ୍ତି ।
ଏହା ବି ପଢନ୍ତୁ: ସଲମାନଙ୍କୁ ଦଂଶିଲା ସାପ
ତେବେ କିଛି ଏପିସୋଡ଼ ପୂର୍ବରୁ ସମିତା ଓ ରାକ୍ଷୀଙ୍କ ମଧ୍ୟରେ ଭଲ ଦୋସ୍ତି ରହିଥିଲା । କିନ୍ତୁ ଟିକେଟ-ଟୁ-ଫିନାଲେ ଟାସ୍କରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହାପରେ ଉଭୟଙ୍କ ମଧ୍ୟର ମନୋମାଳିନ୍ୟ ଦେଖିବାକୁ ମିଳିଛି । ରବିବାର ଏପିସୋଡ଼ରେ ରାକ୍ଷୀ, ତେଜସ୍ବୀ ଓ ଅନ୍ୟ ସଦସ୍ୟଙ୍କୁ ନେଇ ମଧ୍ୟ କିଛି ରୋମାଞ୍ଚଭରା ପ୍ରଶ୍ନ ପଚରାଯାଇଛି । ଏଥିରେ ତେଜସ୍ବୀଙ୍କୁ ବିଗବସ ହାଉସ ବାହାରେ ତାଙ୍କ ବୟଫ୍ରେଣ୍ଡ ସମ୍ପର୍କରେ ମଧ୍ୟ ପ୍ରଶ୍ନ ପଚରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
