ମୁମ୍ବାଇ: ସଲମାନ ଖାନଙ୍କ ରିୟାଲିଟି ଶୋ ବିଗ ବସ 13ରେ ଦମଦାର ପ୍ରତିଯୋଗୀ ମଧ୍ୟରେ ଅନ୍ୟତମ ଆସୀମ ରିୟାଜ । ଦର୍ଶକ ବିଗ ବସ ହାଉସରେ ତାଙ୍କ ଖେଳକୁ ଖୁବ୍ ପସନ୍ଦ କରୁଛନ୍ତି । ବର୍ତ୍ତମାନ ଆସୀମ ଓ ସିଦ୍ଧାର୍ଥ ଶୁକ୍ଲାଙ୍କ ଲଢେଇର ଖୁବ୍ ମଜା ଉଠାଇବାରେ ଲାଗିଛନ୍ତି ଦର୍ଶକ ଏବଂ ମେକର୍ସ । ଦୁଇଜଣଙ୍କ ଲଢେଇରେ ଶୋର ଟିଆରପି ବଢିଚାଲିଛି । ଖାଲି ଏତିକି ନୁହେଁ ଏବେ ସେ ପ୍ରତିଯୋଗୀ ହିମାଂଶୀ ଖୁରାନାଙ୍କୁ ନିଜ ହୃଦୟ ଦେଇ ବସିଛନ୍ତି । ଇତିମଧ୍ୟରେ ଆସୀମଙ୍କୁ ନେଇ ନୂଆ ଖବର ସାମ୍ନାକୁ ଆସିଛି ।
- " class="align-text-top noRightClick twitterSection" data="">
କଥାଟି ହେଲା କି ଆସୀମ ଏକଦା ବି-ଟାଉନର ହ୍ୟାଣ୍ଡସମ ଆକ୍ଟର ବରୁଣ ଧୱନଙ୍କ ଠାରୁ ମାଡ ଖାଇସାରିଛନ୍ତି । ଯାହାକୁ ନେଇ ଏବେ ଚର୍ଚ୍ଚା ଚାଲିଛି । ଟ୍ବିଟରରେ ଆସୀମଙ୍କ ଫ୍ୟାନକ୍ଲବ ପେଜ ଦ୍ବାରା ଏକ ଭିଡିଓ ସେୟାର କରାଯାଇଛି । ଯେଉଁଥିରେ ସେ ହକି ଷ୍ଟିକ ଧରି ବରୁଣଙ୍କୁ ମାରିବାକୁ ଦୌଡଛନ୍ତି । କିନ୍ତୁ ପରିଶେଷରେ ବରୁଣଙ୍କ ଠାରୁ ଗୋଟିଏ ପଞ୍ଚ ଖାଇ ଟଳିପଡୁଛନ୍ତି ଆସୀମ । ଯାହା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଏବେ ଆପଣ ଭାବୁଥିବେ ବରୁଣ କାହିଁକି ଆସୀମଙ୍କୁ ମାଡି ମାରିଥିଲେ । ପ୍ରକାଶ ଥାଉକି ଭାଇରାଲ ହୋଇଥିବା ଭିଡିଓଟି ବରୁଣଙ୍କ କମେଡି ଫିଲ୍ମ ମେଁ ତେରା ହିରୋରେ ଅଭିନୟ କରିଥିଲେ ଆସୀମ । ଯେଉଁଥିରେ ସେ ଭିଲେନ ଭୂମିକାରେ ଅଭିନୟ କରିଥିଲେ । ଆଉ ସବୁବେଳେ ଭିଲେନ ଫିଲ୍ମରେ ହିରୋଙ୍କ ଠାରୁ ଖୁବ୍ ମାଡ ଖାଆନ୍ତି ଏହା ସମସ୍ତଙ୍କୁ ଜଣା । ତେଣୁ ବରୁଣ, ଆସୀମଙ୍କୁ ମାରିଥିଲେ ।
ବିଗ ବସରେ ଏଣ୍ଟ୍ରି କରିବା ସମୟରେ ଆସୀମଙ୍କ ବିଷୟରେ କୁହାଯାଇଥିଲା ଯେ ସେ ଜଣେ ସୁପର ମଡେଲ ବୋଲି କିନ୍ତୁ ପ୍ରାୟ କମ ଦର୍ଶକଙ୍କ ଜଣା ଯେ ସେ ଫିଲ୍ମରେ ମଧ୍ୟ ଅଭିନୟ କରିସାରିଛନ୍ତି ।
