ହାଇଦ୍ରାବାଦ: ତେଲୁଗୁ ଚଳଚ୍ଚିତ୍ର ସୁପରଷ୍ଟାର ଚିରଞ୍ଜୀବୀଙ୍କ ପରବର୍ତ୍ତୀ ଚଳଚ୍ଚିତ୍ର 'ଭୋଲା ଶଙ୍କର'ର ପ୍ରଥମ ଲୁକ୍ ଟିଜର ମଙ୍ଗଳବାର ଦିନ ମହାଶିବରାତ୍ରୀ ଅବସରରେ ମୁକ୍ତିଲାଭ କରିଛି। ଏହାପୂର୍ବରୁ ଭେଟେରାନ ଅଭିନେତା ଚିରଞ୍ଜୀବୀଙ୍କ 66 ତମ ଜନ୍ମଦିନ ଅବସରରେ ଟ୍ବିଟ କରି ଫିଲ୍ମର ନାମ ଘୋଷଣା କରାଯାଇଥିଲା । ଅଭିନେତା ମହେଶ ବାବୁ ଟ୍ବିଟରରେ ଫିଲ୍ମର ଏକ ଛୋଟ ଟିଜର ମଧ୍ୟ ରିଲିଜ କରିଛନ୍ତି।
ଫିଲ୍ମର ପ୍ରଥମ ଲୁକରେ ଚିରଞ୍ଜୀବୀ ଜିପ ଉପରେ ବସିଥିବା ବେଳେ ଭୋଲେନାଥଙ୍କ ତ୍ରିଶୁଳ ଘୁରାଉଥିବା ଦେଖିବାକୁ ମିଳିଛି । 'ଭୋଲା ଶଙ୍କର' ମେହେର ରମେଶଙ୍କ ନିର୍ଦ୍ଦେଶିତ, ଯିଏକି 2009 ଆକ୍ସନ୍ ଫିଲ୍ମ 'ବିଲ୍ଲା' ଏବଂ କନ୍ନଡ ଚଳଚ୍ଚିତ୍ର 'ବୀରା କନ୍ନଡିଗା' ଭଳି ହିଟ୍ ପାଇଁ ଜଣାଶୁଣା । ଏହି ଚଳଚ୍ଚିତ୍ରଟି ଅନିଲ ସୁଙ୍କରାଙ୍କ କମ୍ପାନୀ ଏ.କେ ଏଣ୍ଟରଟେନମେଣ୍ଟ ଦ୍ବାରା ପ୍ରସ୍ତୁତ କରାଯାଉଛି।
ଏହାପୂର୍ବରୁ ଅଭିନେତା ମହେଶ ବାବୁ ଚିରଞ୍ଜୀବୀଙ୍କ 66 ତମ ଜନ୍ମଦିନରେ ଫିଲ୍ମର ଏକ ପୋଷ୍ଟର ସେୟାର କରି ଲେଖିଥିଲେ, 'ଶୁଭ ଜନ୍ମଦିନ ଚିରଞ୍ଜୀବୀ ସାର୍, ଆପଣଙ୍କ ଚଳଚ୍ଚିତ୍ରର ଶୀର୍ଷକ ଘୋଷଣା ହୋଇଥିବାରୁ ମୁଁ ଅତ୍ୟନ୍ତ ଖୁସି ଅନୁଭବ କରୁଛି । ଭୋଲା ଶଙ୍କରର ନିର୍ଦ୍ଦେଶନା ମୋର ଭଲ ବନ୍ଧୁ ମେହେର ରମେଶ କରିବେ, ଯେତେବେଳେ କି ଏହାର ନିର୍ମାଣ ମୋର ପ୍ରିୟ ନିର୍ମାତା ଅନିଲ ସଙ୍କରା କରିବେ । ଆଗାମୀ ବର୍ଷ ଆପଣଙ୍କ ପାଇଁ ଉନ୍ନତ ସ୍ବାସ୍ଥ୍ୟ ଏବଂ ସଫଳତା ଆଣୁ । ଆପଣଙ୍କୁ ଶୁଭେଚ୍ଛା ସାର୍ ’।
- " class="align-text-top noRightClick twitterSection" data="
">
ଚିରଞ୍ଜୀବୀଙ୍କ ବ୍ୟତୀତ ଅଭିନେତ୍ରୀ କିର୍ତ୍ତୀ ସୁରେଶଙ୍କୁ 'ଭୋଲା ଶଙ୍କର'ରେ ଏକ ପ୍ରମୁଖ ଭୂମିକାରେ ଦେଖିବାକୁ ମିଳିବ। କିର୍ତ୍ତୀ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ସେ ଚିରଞ୍ଜୀବୀଙ୍କୁ ଏକ ରାକ୍ଷୀ ବାନ୍ଧୁଥିବାର ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
