ମୁମ୍ବାଇ: ସଲମାନିୟା ଫିଭର ଦର୍ଶକଙ୍କ ମୁଣ୍ଡରେ ଚଢିସାରିଛି । ଇଦରେ ରିଲିଜ ହୋଇଥିବା ସଲମାନ ଖାନଙ୍କ ଫିଲ୍ମ 'ଭାରତ' ତାଙ୍କ କ୍ୟାରିୟର ସବୁଠାରୁ ଅଧିକ ଆୟ କରିଥିବା ଫିଲ୍ମ ହୋଇସାରିଲାଣି । ସିନେମାହଲରେ ଫ୍ୟାନ୍ସଙ୍କ କ୍ରେଜ ଖୁବ୍ ଦେଖିବାକୁ ମିଳୁଛି । ଅନ୍ୟପଟେ ବି-ଟାଉନର କ୍ୟୁଟ ଅଭିନେତା କାର୍ତ୍ତିକ ଆର୍ୟନ ମଧ୍ୟ ସଲୁ ମିଆଁଙ୍କ ବଡ ଫ୍ୟାନ । ଗୁରୁବାର ସନ୍ଧ୍ୟାରେ କାର୍ତ୍ତିକ 'ଭାରତ' ଦେଖିବା ପାଇଁ ସିନେମା ହଲରେ ପହଞ୍ଚିଥିଲେ ।
- " class="align-text-top noRightClick twitterSection" data="
">
'ଭାରତ' ଫିଲ୍ମରେ ପପୁଲାର ଗୀତ 'ସ୍ଲୋ ମୋଶନ'ରେ ଦର୍ଶକଙ୍କ ସହ କାର୍ତ୍ତିକଙ୍କ ଡାନ୍ସ ମଧ୍ୟ ଦେଖିବାକୁ ମିଳିଛି । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଫିଲ୍ମରେ ସଲମାନଙ୍କ 'ସ୍ଲୋ ମୋଶନ' ଡାନ୍ସ ଦେଖି କାର୍ତ୍ତିକ ଆଉ ନିଜକୁ ରୋକିପାରିନଥିଲେ । ସେ ମଧ୍ୟ ଡାନ୍ସ କରିବାରେ ମସଗୁଲ ହୋଇଯାଇଥିଲେ । କାର୍ତ୍ତିକଙ୍କୁ ଦେଖି ଫ୍ୟାନ୍ସ ମଧ୍ୟ ଜବରଦସ୍ତ ଡାନ୍ସ କରି ସିନେମାହଲରେ ଧୁମ ମଚାଇଥିଲେ । ବର୍ତ୍ତମାନ ଭିଡିଓଟିକୁ କାର୍ତ୍ତିକ ଫ୍ୟାନକ୍ଲବ ଦ୍ବାରା ଇନଷ୍ଟାଗ୍ରାମରେ ସେୟାର କରାଯାଇଛି ।
ଅନ୍ୟପଟେ ଅଭିନେତ୍ରୀ ଦିଶା ପାଟନୀ ମଧ୍ୟ ଗୁରୁବାର ସନ୍ଧ୍ୟାରେ ଏକ ଭିଡିଓ ଇନଷ୍ଟାରେ ସେୟାର କରିଛନ୍ତି । ଭିଡିଓରେ ଦର୍ଶକ ହଲରେ 'ସ୍ଲୋ ମୋଶନ' ଗୀତରେ ନାଚୁଥିବାର ନଜର ଆସିଛନ୍ତି ।
ଜଣାଇ ଦେଉଛୁ ଯେ 'ଭାରତ' ଫିଲ୍ମର 'ସ୍ଲୋ ମୋଶନ ଗୀତ'ଟି ରିଲିଜ ହେବାକୁ ପରଠାରୁ ହିଁ ବେଶ ଚର୍ଚ୍ଚାରେ ଥିଲା । ଗୀତରେ ସଲମାନ ଓ ଦିଶାଙ୍କ ଜବରଦସ୍ତ କେମେଷ୍ଟ୍ରି ଫ୍ୟାନ୍ସଙ୍କ ହୃଦୟ ଜିତିବାରେ ସଫଳ ହୋଇଛି ।
