ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କ ଫିଲ୍ମ 'ଭାରତ' ଏହି ସମୟରେ ଖୁବ୍ ଚର୍ଚ୍ଚାରେ । ଫିଲ୍ମ ଦେଖିବାକୁ ଏବେ ଠାରୁ ବ୍ୟାକୁଳ ଦର୍ଶକ । ଫିଲ୍ମଟି ଆସନ୍ତା ଇଦ ଅର୍ଥାତ୍ ଜୁନ 5ରେ ପରଦାରେ ରିଲିଜ ହେବାକୁ ଯାଉଛି । ସଲମାନଙ୍କ ବ୍ୟତୀତ ଫିଲ୍ମରେ କ୍ୟାଟ୍ରିନା କୈଫ, ଦିଶା ପଟାନୀ, ତବ୍ବୁ ଜ୍ୟାକି ଶ୍ରଫ ମୁଖ୍ୟ ଭୂମିକାରେ ନଜର ଆସିବେ ।
ବର୍ତ୍ତମାନ ଫିଲ୍ମ ପ୍ରମୋଶନରେ ଲାଗି ପଡିଛନ୍ତି ପୁରା ଷ୍ଟାର-କାଷ୍ଟ । ଏବେ ସଲମାନଙ୍କ ଫ୍ୟାନ୍ସ ପାଇଁ ଏକ ଖୁସି ଖବର ସାମ୍ନାକୁ ଆସିଛି । କଥାଟି ହେଲା କି ଫିଲ୍ମରେ ବିନା କୌଣସି ଏଡିଟରେ ମେକର୍ସଙ୍କୁ ସେନ୍ସର ବୋର୍ଡ ତରଫରୁ U/A ସାର୍ଟିଫିକେଟ ମିଳିଯାଇଛି । ଅନ୍ୟପଟେ ସେନ୍ସର ବୋର୍ଡ ଫିଲ୍ମର ଖୁବ୍ ପ୍ରଶଂସା ମଧ୍ୟ କରିଛି । ଫିଲ୍ମରେ ଇଣ୍ଟ୍ରେଷ୍ଟିଂ ପ୍ଲଟ କ୍ରିଏଟ କରିବା ପାଇଁ ନିର୍ଦ୍ଦେଶକ ଅଲ୍ଲୀ ଅବ୍ବାସ ଜଫରଙ୍କର ମଧ୍ୟ ଖୁବ୍ ପ୍ରଶଂସା କରାଯାଇଛି ।
ପ୍ରକାଶ ଥାଉକି ଅଲ୍ଲୀଙ୍କ ସହ ସଲମାନଙ୍କର ଏହା ତୃତୀୟ ଫିଲ୍ମ । ଫିଲ୍ମରେ ସଲମାନଙ୍କ ପାଞ୍ଚୋଟି ଭିନ୍ନ ଭିନ୍ନ ଲୁକ ଦେଖିବାକୁ ମିଳିବ ।
