ଇଂରାଜୀ ମିଡିୟମରେ ବେବୋ ହେବେ ପୋଲିସ

ହିନ୍ଦି ମିଡିୟମର ହିଟ ପରେ, ରିଲିଜ ହେବାକୁ ଯାଉଛି ଇଂରାଜୀ ମିଡିୟମ । ଏଥିରେ ପୋଲିସ ଅଫିସର ଅବତାରରେ ନଜର ଆସିବେ ବେବୋ ଓ ମୁଖ୍ୟ ଚରିତ୍ରରେ ନଜର ଆସିବେ ଇରଫାନ ଖାନ ।

.

ହାଇଦ୍ରାବାଦ: ଇରଫାନ ଖାନଙ୍କ ଆଗାମୀ ଫିଲ୍ମ 'ଇଂରାଜୀ ମିଡିୟମ'ରେ ଦେଖିବାକୁ ମିଳିବ ବଲିଉଡର ବେବୋ କରିନା କପୁର ଖାନ । ଫିଲ୍ମରେ ତାଙ୍କୁ ପୋଲିସ ଅଫିସର ଅବତାରରେ ଦେଖିବାକୁ ପାଇବେ ଦର୍ଶକ । ଏହି କଥା ନିଜେ ଭାରତୀୟ ଚଳଚ୍ଚିତ୍ର ସମୀକ୍ଷକ ତରନ ଆଦର୍ଶ ଟ୍ୱିଟ କରି ଜଣାଇଛନ୍ତି। ସେ ଟ୍ୱିଟ କରି ଲେଖିଛନ୍ତି ଯେ , " ଇଂରାଜୀ ମିଡିୟମକୁ ଆସିବେ କରିନା କପୁର ଖାନ । ସେ ଏଥିରେ ପୋଲିସ ଅଫିସର ଭୂମିକାରେ ନଜର ଆସିବେ । ଫିଲ୍ମକୁ ନିର୍ଦ୍ଦେଶନା ଦେଉଛନ୍ତି ହୋମି ଅଦାଜାନିଆ ଓ ପ୍ରଯୋଜନା ଦେଇଛନ୍ତି ଦିନେଶ ଭିଜନ । ଜୁନ ମାସରେ ଫିଲ୍ମଟି ଲଣ୍ଡନରେ ରିଲିଜ ହେବ । "

ଫଟୋ ସୌଜନ୍ୟ: ଏ ଏନ ଆଇ

ଇଂରାଜୀ ମିଡିୟମ, 2017ରେ ରିଲିଜ ହୋଇଥିବା ହିନ୍ଦି ମିଡିୟମର ସ୍ୱିକେଲ । ଏଥିରେ ଇରଫାନଙ୍କୁ ଜଣେ ଧନୀ ବ୍ୟବସାୟୀ ଚରିତ୍ରରେ ଦେଖିବାକୁ ମିଳିଥିଲା । ଏହାପରେ ଇରଫାନ ନ୍ୟୁରୋଏଣ୍ଡୋକ୍ରାଇନ ଟ୍ୟୁମର ରେ ପୀଡିତ ଥିଲେ । ଚିକିତ୍ସା ପରେ ଏହା ତାଙ୍କ କମବ୍ୟାକ ଫିଲ୍ମ । ଏଥିରେ ତାଙ୍କୁ ଜଣେ ମିଠାଇ ବାଲା ଚରିତ୍ରରେ ଦେଖିବାକୁ ମିଳିବ । ବେବୋଙ୍କ ମଧ୍ୟ ତାଙ୍କ ଆଗାମୀ ଫିଲ୍ମ 'ଗୁଡ ନ୍ୟୁଜ'ର ଶୁଟିଂ ସାରିଛନ୍ତି । ଫିଲ୍ମଟି ସେପ୍ଟେମ୍ବର 6ରେ ରିଲିଜ ହେବ।