ମୁମ୍ବାଇ: ସିଦ୍ଧାର୍ଥ ମାଲହୋତ୍ରା ଅଭିନୀତ ଫିଲ୍ମ ‘ମରଜାୱାଂ’ ଫାଷ୍ଟ ଲୁକ ପୋଷ୍ଟର ଗୁରୁବାର ରିଲିଜ ହୋଇଯାଇଛି । ନିର୍ଦ୍ଦେଶକ ମିଲାପ ଜାଭେରୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରିତେଶ ଦେଶମୁଖ, ରକୁଲ ପ୍ରୀତ ସିଂ ଓ ନବାଗତ ଅଭିନେତ୍ରୀ ତାରା ସୁତାରିଆ ନଜର ଆସିବେ । ଏହି ପୋଷ୍ଟର ସହ ମେକର୍ସ ଫିଲ୍ମ ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ନଭେମ୍ବର 22ରେ ରିଲିଜ ହେବ ଫିଲ୍ମ ।
ପ୍ରକାଶ ଥାଉକି ପୂର୍ବରୁ ଫିଲ୍ମଟି ଅକ୍ଟୋବର 2ରେ ରିଲିଜ ହୋଇଥାଆନ୍ତା କିନ୍ତୁ ହ୍ରିତିକ ରୋଶନ ଓ ଟାଇଗର ଶ୍ରଫଙ୍କ ଅଭିନୀତ ଫିଲ୍ମ ‘ୱାର’ ରିଲିଜ ମଧ୍ୟ ଏହି ଦିନରେ ହେବ । ଯାହାକୁ ନେଇ ମେକର୍ସ ଫିଲ୍ମର ରିଲିଜ ତାରିଖ ପରିବର୍ତ୍ତନ କରି ନଭେମ୍ବର 22 କରିଛନ୍ତି ।
ସେ ଯାହା ବି ହେଉ ଏଥର ବକ୍ସ ଅଫିସରେ ମୁହାଁମୁହିଁ ହେବେ ସିଦ୍ଧାର୍ଥ ଓ ଆୟୁଷ୍ମାନ ଖୁରାନା । କାରଣ ‘ମରଜାୱାଂ’ ଫିଲ୍ମ ସହ ଆୟୁଷ୍ମାନଙ୍କ ଚର୍ଚ୍ଚିତ ଫିଲ୍ମ ‘ବାଲା’ ରିଲିଜ ହେବାକୁ ଯାଉଛି । ଯାହା ଦେଖି ଲାଗୁଛି କି ଏହି ଦୁଇ ଷ୍ଟାରଙ୍କ ମଧ୍ୟରେ କଡା ଟକ୍କର ହେବ । ଯେଉଁଠାରେ ଆୟୁଷ୍ମାନଙ୍କ ଅଭିନୀତ ଫିଲ୍ମ ଦେଖିବାକୁ ଦର୍ଶକ ସବୁବେଳେ ଅନାଇ ବସନ୍ତି, ସେହିଠାରେ ସିଦ୍ଧାର୍ଥଙ୍କ ଫିଲ୍ମ କେତେ କମାଲ କରିବା ତାହା ଦେଖିବା ବାକି ରହିଲା ।
