ମୁମ୍ବାଇ: ଫିଲ୍ମ ନିର୍ମାତା ଅନୁରାଗ କଶ୍ୟପଙ୍କ ନିର୍ଦ୍ଦେଶନାରେ ତିଆରି ହୋଇଥିବା ପପୁଲାର ଫିଲ୍ମ 'ଗ୍ୟାଙ୍ଗସ ଅଫ ୱାସେପୁର' ଆଜିର ଦିନରେ ରିଲିଜ ହୋଇଥିଲା । ଏହି ଅବସରରେ ଅନୁରାଗ ଏମିତି କଥା କହିଛନ୍ତି ଯାହା ଶୁଣି ଦର୍ଶକ ମଧ୍ୟ ଆଶ୍ଚର୍ଯ୍ୟ । ରିଲିଜର 7 ବର୍ଷ ପରେ ସେ ଫିଲ୍ମକୁ ନେଇ ବଡ ଖୁଲାସା କରିଛନ୍ତି ।
ସେ କହିଛନ୍ତି କି ଏହି ଫିଲ୍ମ ପରଠାରୁ ତାଙ୍କ ଜୀବନ ବର୍ବାଦ ହୋଇଯାଇଛି । ସେ ଶନିବାର ଏକ ପୋଷ୍ଟ କରି ଟ୍ବିଟରେ ଲେଖିଛନ୍ତି, "ଆଜିଠାରୁ ଠିକ୍ ସାତ ବର୍ଷ ପୂର୍ବେ ମୋ ଜବୀନ ବର୍ବାଦ ହୋଇଯାଇଥିଲା । ସେହି ସମୟ ଠାରୁ ଆଜି ପର୍ଯ୍ୟନ୍ତ ସମସ୍ତେ ଭାବୁଛନ୍ତି କି ମୁଁ ସେହି କାମ ବାରମ୍ବାର କରିବି । କିନ୍ତୁ ମୁଁ ସେହି ଇଚ୍ଛା ଠାରୁ ଦୂରକୁ ଯିବା ପାଇଁ ଅସଫଳ ପ୍ରୟାସ କରୁଛି । ଆଶା କରୁଛି 2019 ଶେଷଆଡକୁ ସାଢେସାତ ଶେଷ ହୋଇଯିବ ।"
ପ୍ରକାଶ ଥାଉକି ବାସ୍ତବ କାହାଣୀ ଉପରେ ଆଧାରିତ 'ଗ୍ୟାଙ୍ଗସ ଅଫ ୱାସେପୁର' ଦର୍ଶକ ହୃଦୟ କିଣିବାରେ ସଫଳ ହୋଇଥିଲା । ଫିଲ୍ମଟି ଓପନିଂ ୱିକେଣ୍ଡରେ 10 କୋଟିରୁ ଉର୍ଦ୍ଧ୍ବ ଆୟ କରି ହିଟ ସାବ୍ୟସ୍ତ ହୋଇଥିଲା । ଫିଲ୍ମଟି ଝାଡଖଣ୍ଡକ ଧନବାଦ ଜିଲ୍ଲାରେ ସ୍ଥିତ ୱାସେପୁରର କାହାଣୀ ଉପରେ ଆଧାରିତ ହୋଇଥିଲା । ଯେଉଁଥିରେ ମନୋଜ ବାଜପେୟୀ, ନୱାଜୁଦ୍ଦୀନ ସିଦ୍ଦିକୀ, ପିୟୁଷ ମିଶ୍ରା ଓ ରିତା ଚଡ୍ଡା ଭଳି କଳାକାର ମୁଖ୍ୟ ଭୂମିକାରେ ନଜର ଆସିଥିଲେ ।
