ମୁମ୍ବାଇ: ବଲିଉଡର ଏଭରଗ୍ରୀନ ଅଭିନେତା ଅନିଲ କପୁର । ସେ ନିଜର ଦମଦାର ଅଭିନୟ ସହ ଭଲ ବ୍ୟବହାର ପାଇଁ ମଧ୍ୟ ଜଣାଶୁଣା । 80 ଦଶକରେ ବଲିଉଡରେ ପଦାର୍ପଣ କରିଥିବା ଅନିଲ ଅନେକ ହିଟ୍ ଫିଲ୍ମ ଦେଇସାରିଛନ୍ତି । କେବଳ ଅଭିନୟ ନୁହେଁ ଏହାସହ ସେ ସାମାଜିକ କାର୍ଯ୍ୟ ମଧ୍ୟ କରନ୍ତି । ଯେଉଁ କାରଣ ତାଙ୍କୁ ଏବେ ଏକ ବଡ ସମ୍ମାନ ମିଳିବାକୁ ଯାଉଛି ।
ଅନିଲଙ୍କୁ ୟୁରୋପ ଡେ ସମାରୋହରେ ଭାରତରେ ଥିବା ଇରୋପୀୟ ସଂଘର ଏକ ପ୍ରତିନିଧିମଣ୍ଡଳ ଏବଂ କାଉନ୍ସିଲ ଅଫ ୟୁରୋପିୟାନ ୟୁନିୟନ ଚ୍ୟାମ୍ବର୍ସ ଅଫ କମର୍ସ ଦ୍ବାରା ଶୁକ୍ରବାର ସମ୍ମାନିତ କରାଯିବ । ସେ ଏହି ସମାରୋହର ମୁଖ୍ୟ ଅତିଥି ରୁପେ ନଜର ଆସିବେ । ଏହାସହ ଦେଶର ଶିଶୁଙ୍କ ଅଧିକାରକୁ ଆଗକୁ ବଢାଇବା, ୟୁରୋପୀୟ ସଂଘକୁ ସହଯୋଗ କରିବା ଏବଂ ଭାରତରେ ଝିଅମାନଙ୍କ ଅଗ୍ରାଧିକାର ତିଆରି କରିବା ପାଇଁ ଅନିଲଙ୍କୁ ସମ୍ମାନିତ କରାଯିବ । ଏହି ସମାରୋହରେ ଭାରତ ୟୁରୋପୀୟ ସଂଘର ରାଜଦୂତ ଟମାଜ କଜ୍ଲୋସ୍କୀ, ୟୁରୋପୀୟ ସଂଘର ରାଜନାୟିକ ଦୂତ ଏବଂ ଭାରତୀୟ କର୍ପରେଟ ଜଗତର ବରିଷ୍ଠ ପ୍ରତିନିଧି ମଧ୍ୟ ସାମିଲ ହେବେ ।
ଏଠାରେ ସୂଚନାଯୋଗ୍ୟ, ୟୁରୋପୀୟନ ୟୁନିୟନ ଗଠନକୁ ଚିହ୍ନଟ କରିବା ପାଇଁ ପ୍ରତିବର୍ଷ ମେ 9ରେ 'ୟୁରୋପ ଡେ' ପାଳନ କରାଯାଏ ।
