ହାଇଦ୍ରାବାଦ: ଆରମ୍ଭ ହୋଇଛି ଆଇସିସି କ୍ରିକେଟ ବିଶ୍ବକପ । ବିଶ୍ବକପ ଆରମ୍ଭ ପୂର୍ବରୁ ଦଶଟି ଦଳର କ୍ୟାପଟେନ କୁଇନ ଏଲିଜାବେଥ-2ଙ୍କ ସହ ଫଟୋ ପୋଜ ଦେଇଥିଲେ । କୁଇନ ଏଲିଜାବେଥଙ୍କ ସହ ଫଟୋକୁ ସେୟାର କରିଥିଲେ ଭାରତୀୟ ଦଳର କ୍ୟାପଟେନ ବିରାଟ କୋହଲି । ତେବେ ଏହି ଫଟୋକୁ ନେଇ ତିଆରି ହେଇଛି ଜବରଦସ୍ତ ମିମି ଓ ଏହି ମିମିକୁ ସେୟାର କରିଛନ୍ତି ବଲିଉଡର ମିଷ୍ଟର ଇଣ୍ଡିଆ ଅନିଲ କପୁର ।
2007ରେ ରିଲିଜ ହୋଇଥିବା କମେଡି ଫିଲ୍ମ ‘ୱେଲକମ’ରେ ଅନିଲଙ୍କ ପପୁଲାର ଚରିତ୍ର ମଜନୁ ଭାଇ । ସେଥିରେ ସେ ତିଆରି କରଥିବା ଘୋଡା ପେଟିଂ ସମସ୍ତଙ୍କୁ ହସିବାର ଖୋରାକ ଯୋଗାଇଥିଲା । କୁଇନ ଏଲିଜାବେଥଙ୍କ ସହ ଥିବା ଫଟୋର ବ୍ୟାକଗ୍ରାଉଣ୍ଡରେ ମଜନୁ ଭାଇଙ୍କ ଘୋଡା ଫଟୋ ଦେଖିବାକୁ ମିଳିଛି । ତେବେ ‘ୱେଲକମ’ର ନିର୍ଦ୍ଦେଶକଙ୍କୁ ଟ୍ୟାଗ କରି ଫଟୋଟିକୁ ସେୟାର କରିଛନ୍ତି ଅନିଲ ।
ମାତ୍ର ଏହା ଓରିଜିନାଲ ଫଟୋନୁହେଁ, ବରଂ ଏହାକୁ ଫଟୋଶପ କରାଯାଇଛି । ତେବେ ଫିଲ୍ମ ୱେଲକମରେ ଅନିଲ କପୁରଙ୍କ ସହ ନାନାପଟେକର, ଅକ୍ଷୟ କୁମାର, କ୍ୟାଟ୍ରିନା କୈଫ, ପରେଶ ରାୱଲଙ୍କୁ ଦେଖିବାକୁ ମିଳିଥିଲା ।
