ମୁମ୍ବାଇ: ବି-ଟାଉନର ମିଷ୍ଟର ଇଣ୍ଡିଆ ଅନିଲ କପୁର ଏବେ ନିଜର ଆଗାମୀ ମଲ୍ଟି ଷ୍ଟାରର ଫିଲ୍ମ 'ମଲଙ୍ଗ'ର ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ଏହାସହ ସେ ଅଲମ୍ପିକର ସ୍ବର୍ଣ୍ଣ ପଦକ ବିଜେତା ଅଭିନଭ ବିନ୍ଦ୍ରାଙ୍କ ବାୟୋପିକରେ ମଧ୍ୟ ନଜର ଆସିବେ । ଏହି ଫିଲ୍ମରେ ସେ ପ୍ରଥମଥର ନିଜ ପୁଅ ହର୍ଷବର୍ଦ୍ଧନ କପୁରଙ୍କ ସହ ଅଭିନୟ କରୁଥିବାର ନଜର ଆସିବେ ।
ଆଜ୍ଞା ହଁ, ଖୁବ୍ ଶୀଘ୍ର ଆଉ ଏକ ବାୟୋପିକ ପରଦାରେ ଦେଖିବାକୁ ମିଳିବ । ଅଭିନବଙ୍କ ବାୟୋପିକ ତିଆରି କରିବାରେ ଲାଗିପଡିଛନ୍ତି ମେକର୍ସ । ଫିଲ୍ମରେ ଯେଉଁଠାରେ ଅଭିନବଙ୍କ ଭୂମିକାରେ ହର୍ଷବର୍ଦ୍ଧନ ଦେଖାଯିବେ ସେହିଠାରେ ଅଭିନବଙ୍କ ପିତା ଅପଜିତଙ୍କ ରୋଲରେ ଅନିଲ ନଜର ଆସିବେ ।
ଏହି ଅବସରରେ ଅନିଲ କହିଛନ୍ତି କି, ସେ ପୁଅ ସହ ପ୍ରଥମଥର ଅଭିନୟ କରିବାକୁ ନେଇ ଖୁବ୍ ଉତ୍ସାହିତ ଅଛନ୍ତି । ହର୍ଷବର୍ଦ୍ଧନ ମଧ୍ୟ ଏହାକୁ ନେଇ ଖୁବ୍ ଏକ୍ସାଇଟେଡ ।
ଏବେ ଦେଖିବାକୁ ବାକି ରହିଲା କି, ଦର୍ଶକଙ୍କୁ ଏହି ବାପ-ପୁଅଙ୍କ ରିଲ ଲାଇଫ କେମେଷ୍ଟ୍ରୀ କିପରି ଲାଗୁଛି । ପ୍ରକାଶ ଥାଉକି, ଏହାପୂର୍ବରୁ ଚଳିତ ବର୍ଷ ରିଲିଜ ହୋଇଥିବା 'ଏକ ଲଡକୀ କୋ ଦେଖା ତୋ ଐସା ଲଗା'ରେ ସେ ନିଜ ଝିଅ ଅର୍ଥାତ୍ ଅଭିନେତ୍ରୀ ସୋନମ କପୁରଙ୍କ ସହ ନଜର ଆସିଥିଲେ । ଏହି ଫିଲ୍ମରେ ମଧ୍ୟ ଅନିଲ, ସୋନମଙ୍କ ପିତା ଭୂମିକାରେ ଦେଖାଯାଇଥିଲେ ।
