ମୁମ୍ବାଇ: ବି-ଟାଉନର ଡିଭା ସୋନମ କପୁର ସ୍ବାମୀ ଆନନ୍ଦ ଆହୁଜାଙ୍କ ସହ ଦୁବାଇରେ ଖୁବ୍ ମଜାମସ୍ତି କରୁଥିବାର ନଜର ଆସୁଛନ୍ତି । ଦିୱାଲୀ ଅବସରରେ ଏହି ଯୋଡିଙ୍କ ଅନେକ ଫଟୋ, ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳିଥିଲା । ତାଙ୍କ ଦୁବାଇ ଟ୍ରିପରେ ସାମିଲ ଅଛନ୍ତି ଅନେକ ଫ୍ରେଣ୍ଡ ମଧ୍ୟ । ଇତିମଧ୍ୟରେ ଆନନ୍ଦ ପତ୍ନୀ ସୋନମଙ୍କ ଏକ ସୁନ୍ଦର ଫଟୋ ସେୟାର କରି ଡିଲିଟ କରିଦେଇଛନ୍ତି । ଯାହାକୁ ନେଇ ଚର୍ଚ୍ଚା ।
ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ସୋନମଙ୍କ କାଜୁଆଲ ଅବତାର ଦେଖିବାକୁ ମିଳିଥିଲା । ଆଉ ଗାଡିର ଷ୍ଟେରିଂ ଧରି ବସିବା ସହ ସ୍ବାମୀଙ୍କୁ ଦେଖି ହସୁଥିବା ପୋଜ ମଧ୍ୟ ଦେଇଥିଲେ । ଏହାକୁ ସେୟାର କରି ଡିଲିଟ କରିଥିବାରୁ ଆନନ୍ଦଙ୍କୁ ନେଇ ଫ୍ୟାନ୍ସଙ୍କ ମନରେ ଅନେକ ପ୍ରଶ୍ନ ଉଙ୍କି ମାରୁଛି । ହେଲେ ଏଯାବତ ଏହାର କାରଣ ଜଣାପଡିନାହିଁ ।
