ମୁମ୍ବାଇ: ଛୋଟ ପରଦାର ରିୟାଲିଟି ଶୋ ‘ବିଗ ବସ 13’ ଶେଷ ହୋଇଯାଇଛି । ଆଉ ଏବେ ଆରମ୍ଭ ହୋଇଯାଇଛି ଆକ୍ସନଭରା ଶୋ ‘ଖତରୋଂ କେ ଖିଲାଡି’ । ଏଥର ଏହି ଶୋରେ ଅନେକ ଫେସମ କଳାକାରଙ୍କୁ ଦେଖିବାକୁ ପାଇଛନ୍ତି ଦର୍ଶକ। ଶୋରେ ଦମଦାର ପ୍ରତିଯୋଗୀ ରୂପେ ଅଭିନେତ୍ରୀ ତଥା ଡାନ୍ସର ଅମୃତା ଖାନଭିଲକର ନଜର ଆସୁଛନ୍ତି । ପ୍ରଥମ ସପ୍ତାହରେ ଅମୃତା ଶାନଦାର ଷ୍ଟଣ୍ଟ ପରଫର୍ମ କରି ସୁରକ୍ଷିତ ହୋଇଯାଇଛନ୍ତି।
ଇତିମଧ୍ୟରେ ସେ ଏକ ସାକ୍ଷାତକାରରେ ଶୋର ଜର୍ଣ୍ଣି, ଷ୍ଟଣ୍ଟ ଓ ପ୍ରତିଯୋଗୀଙ୍କ ବିଷୟରେ ଅନେକ କଥା ସେୟାର କରିଛନ୍ତି । ଯଦି କୌଣସି କଳାକାରଙ୍କୁ ‘ଖତରୋଂ କେ ଖିଲାଡି’ ଅଫର ହେଉଛି। ତାହାଲେ ଏହାକୁ ଛାତଛଡା କରିବା କଥା ନୁହେଁ । କାରଣ ଲାଇଫ ଟାଇମ ଏକ୍ସପିରିୟନ୍ସ ଏଥିରୁ ମିଳିଥାଏ। ଆପଣ ଏପରି ଏକ୍ସପିରିୟନ୍ସ ଟଙ୍କା ଖର୍ଚ୍ଚ କରି ପାଇପାରିବେ ନାହିଁ। ‘ଖତରୋଂ କେ ଖିଲାଡି’ରେ ସବୁ ଷ୍ଟଣ୍ଟ ଏକ ଆଶ୍ଚର୍ଯ୍ୟକର ହୋଇଥାଏ। ଯାହାକୁ କରିବାକୁ ଖୁବ୍ ଡର ଲାଗିଥାଏ ବୋଲି କହିଥିଲେ ଅମୃତା ।
ଏହାସହ ସେ ‘ବିଗ ବସ’ର ପ୍ରତିଯୋଗୀ ହେବାକୁ ଇଚ୍ଛା ପ୍ରକାଶ କରିଥିଲେ । ଆଉ କହିଥିଲେ ତାଙ୍କ ସ୍ବାମୀ ହିମାଂଶୁ ଏହି ଶୋରେ ଭାଗ ନେବାକୁ କେବେ ମଧ୍ୟ ଅନୁମତି ଦିଅନ୍ତି ନାହିଁ। ସେ ବହୁତ ଭିନ୍ନ ମଣିଷ। ସେ ସବୁବେଳେ କ୍ଲିୟର କାମ କରିଥାଆନ୍ତି। ତାଙ୍କୁ ଘରେ ଲଢେଇ-ଝଗଡା ଆଦୌ ପସନ୍ଦ ନୁହେଁ । ଘରେ ମଧ୍ୟ ‘ବିଗ ବସ’ ଦେଖିବାକୁ ମନା କରନ୍ତି । ହେଲେ ଏଥର ସେ ହିମାଂଶୁ ଘରେ ନଥିବା ସମୟରେ ବିଗ ବସର ଏପିସୋଡ ଦେଖିଥିଲେ । ‘ବିଗ ବସ 13’ ସିଜନ ଅନ୍ୟ ସିଜନ ଠାରୁ ଖୁବ୍ ଭଲ ଥିଲା ।
