ମୁମ୍ବାଇ: ଫିଲ୍ମ ବ୍ୟତୀତ ସବୁବେଳେ ସୋସିଆଲ ମିଡିଆରେ ଆକ୍ଟିଭ ରୁହନ୍ତି ଅମିତାଭ । ତାଙ୍କୁ ଯେତେବେଳେ ମଧ୍ୟ ସମୟ ମିଳେ ସେ ଫ୍ୟାନ୍ସଙ୍କ ପାଇଁ କିଛି କିଛି ସେୟାର କରନ୍ତି । ଫ୍ୟାନ୍ସ ମଧ୍ୟ ତାଙ୍କ ପୋଷ୍ଟ ଦେଖିବାକୁ ଅନାଇ ବସନ୍ତି । ଇତିମଧ୍ୟରେ ଭାଇରାଲ ହେଉଛି ତାଙ୍କ ନୂଆ ପୋଷ୍ଟ । ପତ୍ନୀ ଜୟା ବଚ୍ଚନ ଏବଂ ଝିଅ ଶ୍ବେତାଙ୍କ ସହ ନଜର ଆସୁଛନ୍ତି ବିଗ ବି । ଆଉ ଏହା ଉପରେ ପ୍ରତିକ୍ରିୟା ଦେଇ ସେ କହିଛନ୍ତି ଯେ ପରିବାର ସହ ମିଶି କାମ କରିବା ଏକ ଭାବନା ଆଣିଥାଏ । ଶୁଣିବାକୁ ମିଳୁଛି କୌଣସି ବିଜ୍ଞାପନରେ ଏହି ତିନି ଜଣଙ୍କୁ ଦେଖିବାକୁ ମିଳିବ । ଯାହାର ସୁଟିଂ ଚାଲିଛି ।
କଥାଟି ହେଲା ଯେ ମଙ୍ଗଳବାର ସେ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଥିଲେ । ଯେଉଁଥିରେ ହଳଦୀଆ ର୍କୁତା ପିନ୍ଧି ମୁଣ୍ଡରେ ପଗଡି ଲଗାଇଥିବାର ଦେଖାଯାଉଛନ୍ତି । ଆଉ ତାଙ୍କ ସହ ଶ୍ବେତା ଓ ଜୟ ମଧ୍ୟ ନଜର ଆସୁଛନ୍ତି । ସେହିପରି ଫଟୋର କ୍ୟାପସନରେ ସେ ଲେଖିଛନ୍ତି, ‘ଫ୍ୟାମିଲି ଆଟ୍ ୱାର୍କ ।’
- " class="align-text-top noRightClick twitterSection" data="
">
ଖାଲି ଏତିକି ନୁହେଁ ପରିବାର ସହ କାମ କରିବା ଅନୁଭୂତି ସେ ବ୍ଲଗରେ ସମସ୍ତଙ୍କୁ ଜଣାଇ କହିଛନ୍ତି, ‘ପରିବାର ଏକତ୍ର କାମ କରନ୍ତି । ଯେଉଁଥିରେ ଏକତାର ଏକ ଭାବନା ରହିଥାଏ । ଅଂଶୀଦାର ଓ ପରାମର୍ଶ ଅଛି ସେହିମାନଙ୍କ ଚିନ୍ତାଧାରାରେ । ଯେଉଁମାନେ ଯନ୍ତ୍ରଣା ଏବଂ କ୍ଷତି ଭୋଗୁଛନ୍ତି, କିନ୍ତୁ କାମ କରୁଛନ୍ତି ।’
ପ୍ରକାଶ ଥାଉକି ଅମିତାଭ ଆଗାମୀ ଦିନରେ ‘ବ୍ରହ୍ମାସ୍ତ୍ର’, ‘ଝୁଣ୍ଡ’, ‘ଚେହେରା’ ଭଳି ଫିଲ୍ମରେ ନଜର ଆସିବେ । ଏହାବ୍ୟତୀତ ସେ ଦୀପିକା ପାଦୁକୋନ ଓ ବହୁବଳୀ ଫେମ ପ୍ରଭାସଙ୍କ ସହ ମେଗା ବଜେଟ ଫିଲ୍ମରେ ମଧ୍ୟ ଦେଖାଯିବେ ।
@IANS
