ମୁମ୍ବାଇ: ବୁଧବାର ଭାରତୀୟ କ୍ରିକେଟ ଟିମ ବିଶ୍ବକପରୁ ବାଦ ପଡିବା ପରେ ପୁରା ଦେଶବାସୀ ଭାଙ୍ଗିପଡିଛନ୍ତି । ତଥାପି ଟିମ ଇଣ୍ଡିଆ ସମର୍ଥନରେ ସୋସିଆଲ ମିଡିଆରେ ନାର ଲଗାଇବା ଆରମ୍ଭ କରିଦେଇଛନ୍ତି । ଦୁଃଖି ହେଉ ମଧ୍ୟ ଟିମ ଇଣ୍ଡିଆକୁ ସମର୍ଥନରେ ବାହାରିଛନ୍ତି ଦେଶବାସି । ତେବେ ତାଲିକାରେ ସାମିଲ ହୋଇଛନ୍ତି ବିଗ ବି ଅମିତାଭ ବଚ୍ଚନ ।
ସେ ମଧ୍ୟ ଟିମ ଇଣ୍ଡିଆ ପ୍ରଶଂସାରେ ଟ୍ବିଟ କରିଛନ୍ତି । "ଇଣ୍ଡିଆ ଇଣ୍ଡିଆ ଇଣ୍ଡିଆ ୱାର୍ଲ୍ଡ କପରେ ଟିମ୍ ଶାନଦାର ପ୍ରଦର୍ଶନ କରିଛି । ଆପଣ ଲଢିବା ସହ ଚାମ୍ପିଆନ ଭଳି ଖେଳିଛ । ଭାରତୀୟ କ୍ରିକେଟ ଟିମ ବିଶ୍ବରେ ଗ୍ରେଟେଷ୍ଟ ଏବଂ ବେଷ୍ଟ ଟିମ ।"
ସେହିପରି ବି-ଟାଉନର ଅନେକ କଳାକାର ସୋସିଆଲ ମିଡିଆରେ ଭାରତୀୟ କ୍ରିକେଟ ଟିମକୁ ସମର୍ଥନ କରି ସୋସିଆଲ ମିଡିଆରେ ଖେଳାଳିଙ୍କ ଉତ୍ସାହ ବଢାଇଛନ୍ତି ।
ପ୍ରକାଶ ଥାଉକି ଭାରତୀୟ କ୍ରିକେଟ ଟିମ ସେମିଫାଇନାଲରେ ନ୍ୟୁଜଲାଣ୍ଡ ଠାରୁ 18 ରନରେ ପରାସ୍ତ ହୋଇ ବିଶ୍ବକପରୁ ବାଦ ପଡିଛି ।
