ନୂଆଦିଲ୍ଲୀ: ନିକଟରେ ସଞ୍ଜୟ ଲୀଲା ବଂଶାଲୀଙ୍କ ଆଗାମୀ ଚଳଚ୍ଚିତ୍ର 'ଗଙ୍ଗୁବାଇ କାଠିଆୱାଡି'ର ସୁଟିଂ ଆରମ୍ଭ କରିଥିବା ଅଭିନେତ୍ରୀ ଆଲିଆ ଭଟ୍ଟ ସୋସିଆଲ ମିଡିଆରେ ବେଶ ଆକ୍ଟିଭ ଅଛନ୍ତି । ଲକଡାଉନରେ ସମୟରେ ମଧ୍ୟ ଆଲିଆ ତାଙ୍କର ଫଟୋ ଏବଂ ଭିଡିଓ ସେୟାର କରି ପ୍ରଶଂସକଙ୍କୁ ମନୋରଞ୍ଜନ କରୁଥିଲେ ।
ଶୁକ୍ରବାର ଦିନ ଆଲିଆ ଇନଷ୍ଟାଗ୍ରାମରେ ନିଜର ଏକ ଥ୍ରୋବ୍ୟାକ୍ ଫଟୋ ସେୟାର କରି ଅତୀତକୁ ମନେପକାଇଛନ୍ତି । ସେୟାର କରିଥିବା ଫଟୋରେ ଆଲିଆ ସବୁଜ ଘାସ ଉପରେ ଫେସ୍ ମାସ୍କ ଲଗାଇ ଶୋଇଥିବାର ନଜର ଆସିଛନ୍ତି ।
- " class="align-text-top noRightClick twitterSection" data="
">
ଫଟୋ ସହିତ କ୍ୟାପସନରେ ଆଲିଆ ଲେଖିଛନ୍ତି- “ଚାଲନ୍ତୁ ଅତୀତର ସେହି ସମୟକୁ ଯିବା, ଯେତେବେଳେ ସ୍କିନର ଯତ୍ନ ପାଇଁ ମାସ୍କ ବ୍ୟବହାର କରାଯାଉଥିଲା” ।
ଆଲିଆଙ୍କ ଏହି ଫଟୋରେ ଅଭିନେତା ଇଶାନ ଖଟ୍ଟର ଏବଂ ନୀତୁ କପୁରଙ୍କ ସହିତ ବହୁ ଫ୍ରଂଶସକମାନେ ମଜାଳିଆ ମନ୍ତବ୍ୟ ଦେଉଛନ୍ତି ।
ପ୍ରକାଶ ଥାଉ ଯେ,ଆଗାମୀ ସମୟରେ ଆଲିଆ ଫିଲ୍ମ 'ଆରଆରଆର' ଏବଂ 'ଗଙ୍ଗୁବାଇ କାଠିଆୱାଡି' ବ୍ୟତୀତ କରୀନା କପୁର ଖାନ, ରଣଭୀର ସିଂ, ଅନିଲ କପୁର, ଜାନଭୀ କପୁର, ବିକି ଏବଂ ଭୁମିଙ୍କ ସହ କରଣ ଜୋହରଙ୍କ ପିରିୟଡ ଡ୍ରାମା ଫିଲ୍ମ 'ତଖ୍ତ'ରେ ମଧ୍ୟ ନଜର ଆସିବେ ।
