ମୁମ୍ବାଇ: ବୟଫ୍ରେଣ୍ଡ ରଣବୀର କପୁରଙ୍କ ପରେ ଏବେ ଆଲିଆ ଭଟ୍ଟଙ୍କୁ କୋରୋନା । ଯାହାକୁ ନେଇ ନିରାଶ ତାଙ୍କ ଫ୍ୟାନ୍ସ । ନିକଟରେ ଆମୀର ଖାନ, ତାରା ସୁତାରିଆଙ୍କ ଭଳି ସେଲିବ୍ରିଟିଙ୍କ କୋରୋନା ରିପୋର୍ଟ ପଜିଟିଭ ଆସିଥିଲା । ଆଉ ଏବେ ଆଲିଆଙ୍କ କୋରୋନା କଥା ଶୁଣିବାକୁ ମିଳୁଛି । ଯାହାର ଖୁଲାସା ଫିଲ୍ମ ଫେୟାର ସୋସିଆଲ ମିଡିଆ ଆକାଉଣ୍ଟରେ କରାଯାଇଛି ।
ଗୁରୁବାର ବିଳମ୍ବିତ ରାତିରେ ଆଲିଆଙ୍କ ଏକ ଫଟୋ ପୋଷ୍ଟ କରାଯାଇଥିଲା । ଯାହାର କ୍ୟାପସନରେ ଲେଖାଯାଇଥିଲା, ‘ଆଲିଆଙ୍କ କୋରୋନା ରିପୋର୍ଟ ପଜିଟିଭ । ଆମେ ପ୍ରାର୍ଥନା କରୁଛୁ ଅଭିନେତ୍ରୀ ଶୀଘ୍ର ସୁସ୍ଥ ହୋଇଯାଆନ୍ତୁ ।’
ସେପଟେ ଆଲିଆ ମଧ୍ୟ ଏହାର ସୂଚନା ଦେଇ ଇନଷ୍ଟାଗ୍ରାମ ଷ୍ଟୋରିରେ ଏକ ପୋଷ୍ଟରେ ଲେଖିଛନ୍ତି, ‘ମୁଁ କୋରୋନା ସଂକ୍ରମିତ ହୋଇଛି । ବର୍ତ୍ତମାନ ହୋମ କ୍ବାରେଣ୍ଟାଇନରେ ରହିବା ସହ ମୋ ଡାକ୍ତରଙ୍କ ସବୁ ପରାର୍ମଶ ଅନୁଯାୟୀ କାମ କରୁଛି । ଧନ୍ୟବାଦ ତୁମମାନଙ୍କ ସ୍ନେହ ଓ ପ୍ରେମ ପାଇଁ ।’
ପ୍ରକାଶ ଥାଉକି ମାର୍ଚ୍ଚ 9ରେ ରଣବୀରଙ୍କୁ କୋରୋନା ହେବା ଖବର ଶୁଣିବାକୁ ମିଳିଥିଲା । ସେପଟେ ଆଲିଆଙ୍କ ଟେଷ୍ଟ ନେଗେଟିଭ ଆସିଥିଲା । ହେଲେ ଏବେ ସେ କୋରୋନା କବଳରୁ ନିଜକୁ ସୁରକ୍ଷିତ କରିପାରିନାହାଁନ୍ତି ।
