ମୁମ୍ବାଇ: ବରୁଣ ଧୱନ ଓ ଆଲିୟା ଭଟ୍ଟ ବଲିଉଡରେ ଏକାଠି ଡେବ୍ୟୁ କରିଥିବା ବେଳେ ଆଜିକା ସମୟରେ ଲୋକପ୍ରିୟ ଯୋଡି ସାଜିଛନ୍ତି । ଫିଲ୍ମ ନିର୍ମାତା କରନ ଜୋହରଙ୍କ 2012ରେ ଆସିଥିବା ଫିଲ୍ମ 'ଷ୍ଟୁଡେଣ୍ଟ ଅଫ ଦି ଇୟର' ଜରିଆରେ ଦୁହେଁ ଫିଲ୍ମ ଇଣ୍ଡଷ୍ଟ୍ରୀରେ ପାଦ ଦେଇଥିଲେ । ତେବେ ପୁଣିଥରେ କରଣ ଏହି ଯୋଡିଙ୍କୁ ଆଗାମୀ ଫିଲ୍ମ 'କଲଙ୍କ' ରେ ସୁଯୋଗ ଦେଇଛନ୍ତି ।
ସେପଟେ ଲଭ ଲାଇଫକୁ ନେଇ ଦୁହେଁ ବି ବେଶ ଚର୍ଚ୍ଚାରେ । ବରୁଣ ପିଲାଦିନର ବନ୍ଧୁ ନତାଶା ଦଲାଲକୁ ଡେଟ କରୁଛନ୍ତି । ଅନ୍ୟପଟେ ଆଲିୟା ଅଭିନେତା ରଣବୀର କପୁରଙ୍କ ପ୍ରେମରେ ଉବୁଟୁବୁ । କିନ୍ତୁ ଦୁହିଁଙ୍କର କେବେ ପରସ୍ପର ଉପରେ କ୍ରସ ଆସିଛି ପ୍ରଶ୍ନରେ ମଜାଳିଆ ଢଙ୍ଗରେ ପ୍ରତିକ୍ରିୟା ଦେଇଛନ୍ତି ଉଭୟ ।
ଏହି ପ୍ରଶ୍ନରେ ଦୁହେଁ କେବଳ ହସିବା ସହ କିଛି ସ୍ପଷ୍ଟ ଉତ୍ତର ଦେଇ ନଥିଲେ । ବରଂ ତାଙ୍କ କ୍ରସ ଅନେକ ଲୋକଙ୍କ ଉପରେ ଆସିଛି ଯାହାର ଏକ ଲମ୍ବା ତାଲିକା ଥିବା କହିଥିଲେ । ଆଲିୟାଙ୍କ ଏହି କଥାରେ ବରୁଣ କହିଥିଲେ ଯେ ଦୁଇଜଣ କେବଳ ଭଲ ବନ୍ଧୁ ।
