ନୂଆଦିଲ୍ଲୀ: 2007ରେ ରିଲିଜ ହୋଇଥିବା ଖିଲାଡୀ ଅକ୍ଷୟ କୁମାରଙ୍କ ସୁପରହିଟ୍ ହରର କମେଡି ଡ୍ରାମା ଫିଲ୍ମ 'ଭୁଲ ଭୁଲୈୟା'କୁ ଦର୍ଶକ ଏଯାବତ ଭୁଲ ନାହାଁନ୍ତି । ଏହି ଫିଲ୍ମ ଜରିଆରେ ଦର୍ଶକ ଖୁବ୍ ଏଣ୍ଟରଟେନମେଣ୍ଟର ପ୍ୟାକେଜ ପାଇଥିଲେ । ଫିଲ୍ମରେ ଅକ୍ଷୟ ଓ ବିଦ୍ୟାଙ୍କ କେମେଷ୍ଟ୍ରି ଦର୍ଶକଙ୍କ ମନ କିଣିବାରେ ମଧ୍ୟ ସଫଳ ହୋଇଥିଲା ।
ଏବେ ଫିଲ୍ମକୁ ନେଇ ନୂଆ ଖବର ସାମ୍ନାକୁ ଆସିଛି । ଯାହାକୁ ଶୁଣି ଦର୍ଶକ ନିହାତି ଖୁସି ହୋଇଯିବେ । କାରଣ ଖୁବ୍ ଶୀଘ୍ର 'ଭୁଲ ଭୁଲୈୟା'ର ସିକ୍ବେଲ ଆସିବାକୁ ଯାଉଛି । ଯାହାର ଯୋଜନା ବର୍ତ୍ତମାନ ଜୋରସୋରରେ ଚାଲିଛି । ଅନ୍ୟପଟେ ଫିଲ୍ମର ସିକ୍ବେଲ ପାଇଁ ନିର୍ମାତା ଫିଲ୍ମର ଟାଇଟଲ ମଧ୍ୟ ରେଜିଷ୍ଟର କରିସାରିଲେଣି ।
ଫିଲ୍ମର ନିର୍ମାତା ଭୂଷଣ କୁମାର 'ଭୁଲ ଭୁଲୈୟା' ସିକ୍ବେଲ ପାଇଁ ଗ୍ରୀନ ସିଗନାଲ ଦେଇଛନ୍ତି । ଭୂଷଣ ଫିଲ୍ମକୁ ନେଇ ଫରହାଦ ସାମଜୀଙ୍କ ସହ ଏକ ଆଇଡିଆ ମଧ୍ୟ ସେୟାର କରିଛନ୍ତି । ଫରହାନ ଫିଲ୍ମର ସିକ୍ବେଲ, କାହାଣୀ ଲେଖିବା ଏବଂ ନିର୍ଦ୍ଦେଶନା ଦାୟିତ୍ବ ତୁଲାଇବେ । ବର୍ତ୍ତମାନ ସ୍କ୍ରିପ୍ଟିଂର କାମ ଚାଲିଛି । ଫିଲ୍ମ ପାଇଁ ନୂଆ ଷ୍ଟାରକାଷ୍ଟଙ୍କ ଚୟନ କରାଯିବ ।
