ମୁମ୍ବାଇ: ଆଜି ପୁରା ଦେଶ ଭାରତର ମିସାଇଲ ମ୍ୟାନ ଡକ୍ଟର ଏପିଜେ ଅବ୍ଦୁଲ କଲାମଙ୍କୁ ଦେଉଛି ଶ୍ରଦ୍ଧାଞ୍ଜଳୀ । ତାଙ୍କ ପୂଣ୍ୟତିଥିରେ ବି-ଟାଉନର ଖିଲାଡି ଅକ୍ଷୟ କୁମାର ମଧ୍ୟ ତାଙ୍କୁ ଶ୍ରଦ୍ଧା ସୁମାନ ଦେବା ପାଇଁ ପଛଘୁଞ୍ଚା ଦେଇନାହାଁନ୍ତି । ସେ ମଧ୍ୟ ଏପିଜେ ଅବ୍ଦୁଲ କଲାମଙ୍କୁ ସ୍ନେହଭରା ଶ୍ରଦ୍ଧାଞ୍ଜଳୀ ଦେଇଛନ୍ତି । ଆଜିର ଦିନରେ ଭାରତରତ୍ନରେ ସମ୍ମାନିତ ମିସାଇଲ ମ୍ୟାନ ଏପିଜେ ଅବ୍ଦୁଲ କଲାମଙ୍କ ନିଧନ ହୋଇଥିଲା ।
ଅକ୍ଷୟ ତାଙ୍କର ଏକ ଫଟୋ ସୋସିଆଲ ମିଡିଆରେ ସେୟାର କରି ଶ୍ରଦ୍ଧାଞ୍ଜଳୀ ଦେଇ ଲେଖିଛନ୍ତି, "ସ୍ବପ୍ନ ତାହା ହୋଇନଥାଏ ଯାହାକୁ ଆପଣ ଶୋଇଥିବା ସମୟରେ ଦେଖୁଛନ୍ତି, ସ୍ବପ୍ନ ତାହା ହୋଇଥାଏ ଯାହା ଆପଣଙ୍କୁ ଶୋଇବାକୁ ଦିଏନାହିଁ । ମୁଁ ଫିଲ୍ମ ମିଶନ ମଙ୍ଗଲ ପକ୍ଷରୁ ଭାରତର ମିସାଇଲ ମ୍ୟାନଙ୍କୁ ଶ୍ରଦ୍ଧାଞ୍ଜଳୀ ଜ୍ଞାପନ କରୁଛୁ। ଯିଏ ଭାରତରେ ମହାକାଶ ବିଜ୍ଞାନରେ କ୍ରାନ୍ତି ଆଣିଥିଲେ ।"
ପ୍ରକାଶ ଥାଉକି ଅକ୍ଷୟଙ୍କ ବହୁ ପ୍ରତୀକ୍ଷିତ ଫିଲ୍ମ 'ମିଶନ ମଙ୍ଗଲ' ସ୍ବାଧୀନତା ଦିବସ ତଥା ଅଗଷ୍ଟ 15ରେ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ଏହି ଫିଲ୍ମଟି ଭାରତ ଦ୍ୱାରା ପ୍ରଥମ ପ୍ରୟାସରେ ମଙ୍ଗଳ ଗ୍ରହକୁ ସଫଳାତାପୂର୍ବକ ପଠାଯାଇଥିବା 'ମଙ୍ଗଳୟାନ'ର କାହାଣୀ ଉପରେ ଆଧାରିତ । ଫିଲ୍ମରେ ଅକ୍ଷୟଙ୍କ ବ୍ୟତୀତ ବିଦ୍ୟା ବାଲନ, ତାପସୀ ପନ୍ନୁ, ସୋନାକ୍ଷୀ ସିହ୍ନା, କ୍ରିତି କୁଲହାରୀ, ସରମନ ଯୋଶି ଓ ନିତ୍ୟା ମେନନ ମୁଖ୍ୟ ଭୂମିକାରେ ନଜର ଆସିବେ ।
ଫିଲ୍ମରେ ଅକ୍ଷୟ ଭାରତୀୟ ବୈଜ୍ଞାନିକ ରାକେଶ ଧାୱନଙ୍କ ଭୂମିକାରେ ନଜର ଆସିବେ । ଅନ୍ୟପଟେ 'ମଙ୍ଗଳୟାନ'କୁ ସଫଳତା ସହ ମଙ୍ଗଳ ଗ୍ରହକୁ ପଠାଇବାରେ ମଧ୍ୟ ମହିଳାଙ୍କ ଭୂମିକା ମହତ୍ବପୂର୍ଣ୍ଣ ଥିଲା । ଯାହା ଫିଲ୍ମରେ ପର୍ଯ୍ୟବେସିତ ।
