ମୁମ୍ବାଇ: କୋରୋନା ଭାଇରସ ପାଇଁ ଚୀନର ବିରୋଧରେ ଦେଶବାସୀଙ୍କ ବଢୁଥିବା ରାଗର ଶିକାର ସେଠାର ଫେମସ ଭିଡିଓ ସେୟାରିଂ ଆପ ଟିକ୍ଟକ୍ ହୋଇଛି। ବର୍ତ୍ତମାନ ଦେଶରେ ଅନେକ ଲୋକ ଟିକଟକ ଆପକୁ ନିଜ ମୋବାଇଲରୁ ଅନଇନଷ୍ଟଲ କରିବାରେ ଲାଗିଛନ୍ତି । ନିକଟରେ କମ୍ପାନୀର ବ୍ରାଣ୍ଡ ଭ୍ୟାଲ୍ୟୁ ବଜାଇ ରଖିବା ପାଇଁ ଆଦିତ୍ୟ ବିରଲା ଗ୍ରୁପର ଜଣେ ସିନିୟର ଅଧିକାରୀ ଅଶୋକ ଚେରିୟନଙ୍କୁ ମଧ୍ୟ ଟିକଟକ ନିଜ ଅଫିସରେ ନିଯୁକ୍ତ କରିଥିଲା। ହେଲେ ତଥାପି ମାମଲା ଥମିବାର ନାଁ ନେଉନାହିଁ।
ଲକଡାଉନର ଆରମ୍ଭରେ ସର୍ଟ ଭିଡିଓ କଣ୍ଟେଣ୍ଟ ପ୍ଲାଟଫର୍ମ ଟିକଟକର ଚାହିଦା ଖୁବ୍ ବଢିଚାଲିଥିଲା। ହେଲେ ଏବେ ଧିରେ ଧିରେ କରି ସଫଳତା ତଳକୁ ଖସିବାରେ ଲାଗିଛି। ନିକଟରେ ଟିକ୍ଟକରେ ହୋଇଥିବା କିଛି ଛୋଟ ଘଟଣା ପରିଶେଷରେ ବଡ ରୂପ ନେଇଛି।
ଯାହାକୁ ଦୃଷ୍ଟିରେ ରଖି ବିବାଦିତ ଆକାଉଣ୍ଟକୁ ବ୍ୟାନ କରିବା ଆରମ୍ଭ କରିଛି କମ୍ପାନୀ। ଏହି ଘଟଣାର ପ୍ରଥମ ଶିକାର ହୋଇଛନ୍ତି ଟିକଟର ଫେମସ ଷ୍ଟାର ଫୈଜଲ ସିଦ୍ଦିକୀ। ଯିଏ କିଛି ଦିନ ହେବ ନିଜର ଏକ ବିବାଦୀୟ ଭିଡିଓକୁ ନେଇ ସବୁ ମହଲରେ ସମାଲୋଚନାର ପାତ୍ର ସାଜିଛନ୍ତି।
