ମୁମ୍ବାଇ: ଲୋକପ୍ରିୟ ଅଭିନେତ୍ରୀ ବିଦ୍ୟା ବାଲନ ନିଜର ଆଗାମୀ ଫିଲ୍ମ ‘ସେରନୀ’କୁ ନେଇ ଚର୍ଚ୍ଚାରେ । ନିକଟରେ ଫିଲ୍ମର ଦମଦାର ଟ୍ରେଲର ରିଲିଜ କରି ଦର୍ଶକଙ୍କ ଏକ୍ସାଇଟମେଣ୍ଟ ବଢାଇ ଦେଇଥିଲେ ମେକର୍ସ । ଇତିମଧ୍ୟରେ ମହିଳା କେନ୍ଦ୍ରିତ ଫିଲ୍ମ ବିଷୟରେ ଆଲୋଚନା କରି ଚର୍ଚ୍ଚାରେ ଅଭିନେତ୍ରୀ । ଏହାସହ ବଲିଉଡରେ ପୁରୁଷ କେନ୍ଦ୍ରିତ ଫିଲ୍ମ ଉପରେ ମଧ୍ୟ ସେ ପ୍ରଶ୍ନବୀଚୀ ସୃଷ୍ଟି କରିଛନ୍ତି ।
ଏକ ସାକ୍ଷାତକାରରେ ଯୋଗ ଦେଇ ସେ କହିଛନ୍ତି, ‘କୌଣସି ମହିଳା କେନ୍ଦ୍ରିତ ଫିଲ୍ମରେ ଅଭିନେତାଙ୍କୁ ସାମିଲ କରିବା କଷ୍ଟସାଧ୍ୟ । କାରଣ କୌଣସି ବଡ ଅଭିନେତା ଏପରି ଫିଲ୍ମରେ ଅଭିନୟ କରିବାକୁ ପସନ୍ଦ କରନ୍ତି ନାହିଁ ।’
ପ୍ରକାଶ ଥାଉକି ଗତ ବର୍ଷ ବିଦ୍ୟାଙ୍କୁ ଫିଲ୍ମ ‘ଶକୁନ୍ତଳା’ରେ ଦେଖିବାକୁ ମିଳିଥିଲା । ଫିଲ୍ମରେ ତାଙ୍କ ଦମଦାର ଅଭିନୟ ଦେଖି ସବୁ ମହଲରେ ପ୍ରଶଂସା ବେଶ୍ ହୋଇଥିଲା । ଏଥର ସେ ମହିଳା କେନ୍ଦ୍ରିତ ଫିଲ୍ମ ‘ସେରନୀ’ ନେଇ ପରଦାରେ ନଜର ଆସିବେ ।
