ମୁମ୍ବାଇ: ହ୍ୟାଣ୍ଡସମ ଆକ୍ଟର ବରୁଣ ଧୱନ ଓ ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ କମେଡି ଡ୍ରାମା ଫିଲ୍ମ ‘କୁଲି ନଂ 1’ରେ ରୋମାନ୍ସ କରୁଥିବାର ନଜର ଆସିବେ । ଏହି ଯୋଡିଙ୍କୁ ପ୍ରଥମଥର ପରଦାରେ ଦେଖିବେ ଦର୍ଶକ । ଯାହାକୁ ନେଇ ସମସ୍ତେ ଉତ୍ସାହିତ । ଇତିମଧ୍ୟରେ ଦୁଇଜଣଙ୍କ ଫଟୋ ସୋସିଆଲ ମିଡିଆରେ ଚହଳ ସୃଷ୍ଟି କରିଛି । ମଜାଦାର କଥା ହେଲା ଯେ ସାରା-ବରୁଣ ଚେକ୍ ଆଉଟଫିଟ୍ କ୍ୟାରି କରିଛନ୍ତି । ଆଉ ଯେଉଁଥିରେ ବରୁଣଙ୍କୁ କପି କ୍ୟାଟ ସହ ତୁଳନା କରିଛନ୍ତି ସାରା ।
ବରୁଣ ଇନଷ୍ଟାଗ୍ରାମରେ ସାରାଙ୍କ ସହ ନିଜର ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ‘ଚେକ୍ ମେଟ୍ । ୟୁ ଫିଲ୍ ଦ ବାଇଟ୍ । ନାଓ ପ୍ଲିଜ ଡୋଣ୍ଟ ହେଟ୍ । ବିକଜ୍ ୟୁ ଆର ଗ୍ରେଟ୍ ।’ ବର୍ତ୍ତମାନ ଭାଇରାଲ ହେଉଥିବା ଫଟୋରେ ବରୁଣ ହଳଳୀଆ ଏବଂ ବ୍ଲୁ ଚେକ୍ ସାର୍ଟ ସହ ଦଳା ହ୍ବାଇଟ୍ ଟି-ସର୍ଟ ପିନ୍ଧିଛନ୍ତି ଦେଖାଯାଉଥିବା ବେଳେ ସାରା ମେରୁନ, ବ୍ଲୁ ଆଉଟଫିଟ୍ରେ ଖୁବ୍ ସେକ୍ସୀ ନଜର ଆସୁଛନ୍ତି ।
ଆଉ ଫଟୋର କମେଣ୍ଟରେ ସାରା ଲେଖିଛନ୍ତି, ‘ବରୁଣ ଜଣେ ସାୟାରି ଚୋର । କପି କ୍ୟାଟ । ବ୍ୟସ୍ତ ହୁଅନାହିଁ କାରଣ ମୋ କ୍ୟାପରେ ଅଧିକ କୌଶଳ ଅଛି ।’ ଦୁଇଜଣଙ୍କ ଏହି ଫଟୋରେ ଏବେ ଫ୍ୟାନ୍ସଙ୍କ ମଜାଦାର କମେଣ୍ଟ ଦେଖିବାକୁ ମିଳୁଛି ।
- " class="align-text-top noRightClick twitterSection" data="
">
ପ୍ରକାଶ ଥାଉକି ଡେଭିଡ ଧୱନଙ୍କ ଦ୍ବାରା ନିର୍ଦ୍ଦେଶିତ ‘କୁଲି ନଂ 1’ ଖ୍ରୀଷ୍ଟମାସ ଅବସର ତଥା ଡିସେମ୍ବର 25ରେ ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଯାଉଛି । ଲୋକପ୍ରିୟ ଅଭିନେତା ଗୋବିନ୍ଦା ଓ କରିସ୍ମା କପୁରଙ୍କ ସୁପରଡୁପର ହିଟ୍ ଫିଲ୍ମ ‘କୁଲି ନଂ 1’ର ଏହା ରିମେକ ।
