ମୁମ୍ବାଇ: ଗତ ଫେବୃଆରୀ 15ରେ ବୈଭବ ରେଖୀଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ ସୁନ୍ଦରୀ ଅଭିନେତ୍ରୀ ଦିୟା ମିର୍ଜା । ବର୍ତ୍ତମାନ ବିବାହର ଦେଢ ମାସ ପରେ ସେ ଗର୍ଭବତୀ ଅଛନ୍ତି । ସୋସିଆଲ ମିଡିଆରେ ଦିୟା ଏହି ଖୁସି ଖବର ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି। ସେପଟେ ଏହି ଗୁଡନ୍ୟୁଜ ଶୁଣି ପରେ ସୋସିଆଲ ମିଡିଆରେ ଶୁଭେଚ୍ଛାର ସୁଅ ଛୁଟୁଛି । ଖାଲି ଫ୍ୟାନ୍ସ ନୁହେଁ ବଲିଉଡ ସେଲିବ୍ରିଟି ତାଙ୍କୁ ଜଣାଇଛନ୍ତି ଶୁଭେଚ୍ଛା ।
- " class="align-text-top noRightClick twitterSection" data="
">
ଏହି କ୍ରମରେ ସାମିଲ ଅଛନ୍ତି ଅଭିନେତ୍ରୀ କରିସ୍ମା କପୁର । ସେ ତାଙ୍କ ପୋଷ୍ଟରେ କମେଣ୍ଟ କରି ଲେଖିଛନ୍ତି, ‘ଶୁଭେଚ୍ଛା ଦିୟା’ । ସେହିପରି ଶ୍ରୀଲଙ୍କା ସୁନ୍ଦରୀ ଜ୍ୟାକଲିନ ଫର୍ଣ୍ଣାଣ୍ଡିଜ କହିଛନ୍ତି, ‘ତୁମ ପାଇଁ ମୁଁ ବହୁତ ଖୁସି।’ ଏହି ଦୁଇ ଅଭିନେତ୍ରୀଙ୍କ ବ୍ୟତୀତ ଦେଶୀ ଗାର୍ଲ ପ୍ରିୟଙ୍କା ଚୋପ୍ରାଙ୍କ ମଧ୍ୟ ଲେଖିଛନ୍ତି, ‘ଓଏମଜି । ଶୁଭେଚ୍ଛା ଦି ।’
ଅନୁଷ୍କା ଶର୍ମା ‘ଶୁଭେଚ୍ଛା ମୋ ପ୍ରିୟ ବନ୍ଧୁ’ ବୋଲି କହିଛନ୍ତି । ଅଭିନେତ୍ରୀ ଶିଳ୍ପା ସେଟ୍ଟୀ, ଅଦିତି ରାଓ ହୈଦରୀ, ବିକ୍ରାନ୍ତ ମୈସୀ ମଧ୍ୟ ଦିୟାଙ୍କୁ ଶୁଭେଚ୍ଛା ଜଣାଇଛନ୍ତି । ପ୍ରକାଶ ଥାଉକି ଶେଷଥର ଦିୟାଙ୍କୁ ତାପସୀ ପନ୍ନୁଙ୍କ ଫିଲ୍ମ ‘ଥାପଡ’ରେ ଦେଖିବାକୁ ମିଳିଥିଲା । ଆଉ ଖୁବଶୀଘ୍ର ସେ ତେଲୁଗୁ ଆକ୍ସନ ଫିଲ୍ମ ‘ୱାଇଲ୍ଡ ଡଗ୍’ରେ ନଜର ଆସିବେ । ଆଉ ତାଙ୍କ କୋ-ଷ୍ଟାର ସାଜିବେ ନାଗାର୍ଜୁନ ଓ ସାଇୟାମି ଖେର ।
ବ୍ୟୁରୋ ରିପୋର୍ଟ, ଇଟିଭି ଭାରତ
