ମୁମ୍ବାଇ: ସେକ୍ସି ଅଭିନେତ୍ରୀ ମଲାଇକା ଅରୋରାଙ୍କ ପାଇଁ ସ୍ପେଶାଲ ଗିଫ୍ଟ ପଠାଇ ଚର୍ଚ୍ଚାରେ ପୂର୍ବତନ ସ୍ବାମୀ ତଥା ଅଭିନେତା ଅରବାଜ ଖାନ । ଯାହାକୁ ନେଇ ବର୍ତ୍ତମାନ ଚର୍ଚ୍ଚା । 18 ବର୍ଷ ବିବାହ ବନ୍ଧନରେ ରହିବା ପରେ ଏହି ଯୋଡି ଛାଡପତ୍ର ନେଇଥିଲେ । ଏବେ ନିଜ ଲାଇଫ୍ରେ ବ୍ୟସ୍ତ ଥିବା ଅରବାଜଙ୍କୁ କିନ୍ତୁ ମନେ ପଡିଯାଇଛି ମଲାଇକାଙ୍କ ଫେଭରେଟ ଫୁଡ୍ ବିଷୟରେ । ଆଉ ଅନଲାଇନ୍ ତାଙ୍କ ପାଇଁ ପାଠାଇଛନ୍ତି ଆମ୍ବ । କାରଣ ଆମ୍ବ ଖାଇବାକୁ ଖୁବ୍ ପସନ୍ଦ କରନ୍ତି ମଲାଇକା ।
ସେପଟେ ମଲାଇକା ଆମ୍ବର ଫଟୋ ଇନଷ୍ଟାଗ୍ରାମ ଷ୍ଟୋରିରେ ସେୟାର କରି ଅରବାଜଙ୍କୁ ଧନ୍ୟବାଦ ଜଣାଇଛନ୍ତି । ଏହାସହ ଫ୍ୟାନ୍ସଙ୍କୁ ‘ଆମ୍ ୱାଲା’ରୁ ସତେଜ ଆମ୍ବ ଅନଲାଇନ୍ କିଣିବା କଥା ମଧ୍ୟ ଜଣାଇଛନ୍ତି ।
ପ୍ରକାଶ ଥାଉକି 1998ରେ ମଲାଇକା ଓ ଅରବାଜ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଆଉ 2017ରେ ଦୁଇଜଣ ପରସ୍ପରଠୁ ଅଲଗା ହେବାର ନିଷ୍ପତ୍ତି ନେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ । ଦୁଇଜଣଙ୍କ ପୁଅ ଅରହାନ ଅଛନ୍ତି । ବର୍ତ୍ତମାନ ଅରବାଜ ନିଜ ଲାଇଫ୍ରେ ବ୍ୟସ୍ତ ଥିବାବେଳେ ମଲାଇକା ଅଭିନେତା ଅର୍ଜୁନ କପୁରଙ୍କ ସହ ରିଲେସନଶିପରେ ଅଛନ୍ତି ।
