ମୁମ୍ବାଇ: ଦିବଙ୍ଗତ ଅଭିନେତା ଋଷି କପୁରଙ୍କ ଆକସ୍ମିକ ମୃତ୍ୟୁ ପରେ ‘ଦ ଇଣ୍ଟର୍ନ’ର ହିନ୍ଦୀ ରିମେକ ଫିଲ୍ମରେ ତାଙ୍କ ସ୍ଥାନରେ ମହାନାୟକ ଅମିତାଭ ବଚ୍ଚନଙ୍କୁ ସାମିଲ କରାଯାଇଛି । ଦୀର୍ଘ ସମୟରୁ ଏହି ଫିଲ୍ମକୁ ନେଇ ଚର୍ଚ୍ଚା । ସେପଟେ ଫିଲ୍ମରେ ଦୀପିକା ପାଦୁକୋନ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଇତିମଧ୍ୟରେ ଜାରି ହୋଇଯାଇଛି ଫିଲ୍ମର ଫାଷ୍ଟଲୁକ ପୋଷ୍ଟର ।
- " class="align-text-top noRightClick twitterSection" data="
">
ଯାହାକୁ ଇନଷ୍ଟାଗ୍ରାମରେ ସେୟାର କରି ଦୀପିକା ଲେଖିଛନ୍ତି, ‘ମୋର ସବୁଠାରୁ ଖାସ୍ ସହ-କଳାକାରଙ୍କ ସହ ପୁଣି କାମ କରିବାକୁ ନେଇ ମୁଁ ସମ୍ମାନିତ ଅନୁଭବ କରୁଛି ।’ ‘ଦ ଇଣ୍ଟର୍ନ’ ପୂର୍ବରୁ ଅମିତାଭ ଓ ଦୀପିକାଙ୍କ ଅଭିନୟ ଫିଲ୍ମ ‘ପିକୁ’ରେ ଦେଖିବାକୁ ମିଳିଥିଲା । ଏହାବ୍ୟତୀତ ଏହି ଯୋଡି ନାଗ ଅଶ୍ବିନଙ୍କ ଆଗାମୀ ଫିଲ୍ମରେ ମଧ୍ୟ ନଜର ଆସିବେ । ଫିଲ୍ମରେ ସାଉଥ ସୁପରଷ୍ଟାର ପ୍ରଭାସ ମୁଖ୍ୟ ଭୂମିକାରେ ଦେଖାଯିବେ ।
ପ୍ରକାଶ ଥାଉକି ଅମିତାଭ ବ୍ୟାକ ଟୁ ବ୍ୟାକ ଫିଲ୍ମ ନେଇ ପରଦାକୁ ଫେରିବେ । ଏହି କ୍ରମରେ ସାମିଲ ଅଛି ‘ଝୁଣ୍ଡ’, ‘ବ୍ରହ୍ମାସ୍ତ୍ର’, ‘ଅଲବିଦା’, ‘ମେ ଡେ’ ଭଳି ଫିଲ୍ମ । ସେପଟେ ଦୀପିକା ମଧ୍ୟ ନିର୍ଦ୍ଦେଶକ ଶକୁନ ବାତ୍ରାଙ୍କ ଆଗାମୀ ଫିଲ୍ମରେ ସିଦ୍ଧାନ୍ତ ଚତୁର୍ବେଦୀ ଓ ଅନନ୍ୟା ପାଣ୍ଡେଙ୍କ ସହ ଅଭିନୟ କରୁଛନ୍ତି । ଖାଲି ଏତିକି ନୁହେଁ ହ୍ରିତିକ ରୋଶନଙ୍କ ‘ଫାଇଟର’ର ହିରୋଇନ ମଧ୍ୟ ଦୀପିକା । ଏହାବ୍ୟତୀତ ରଣବୀର ସିଂଙ୍କ ସହ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ରେ ନଜର ଆସିବେ ସେ।