ହାଇଦ୍ରାବାଦ: ଜମ୍ମୁ-କାଶ୍ମୀରରେ ଭୋଟ ଗ୍ରହଣ ସରିଥିବା ବେଳେ ଆଜି (ଶନିବାର) ହରିୟାଣାର ଭୋଟର୍ ନୂଆ ବିଧାନସଭା ପାଇଁ ମତ ସାବ୍ୟସ୍ତ କରିଛନ୍ତି । ଭୋଟ୍ ଗ୍ରହଣ ସରିଛି । ପ୍ରାର୍ଥୀଙ୍କ ଭାଗ୍ୟ EVMରେ ସିଲ ହୋଇଛି । ଏବେ ସମସ୍ତଙ୍କ ଅପେକ୍ଷା ଆସନ୍ତା ୮ ତାରିଖକୁ । କାରଣ ସେହିଦିନ ଭୋଟ ଗଣତି ହେବା ସହ ଫଳାଫଳ ପ୍ରକାଶ ପାଇବ । କିନ୍ତୁ ଏହା ପୂର୍ବରୁ ଆସିଛି ଏକଜିଟ ପୋଲ ରେଜଲ୍ଟ (Exit Poll Results) । ଯେଉଁଥିରେ ବିଜେପିକୁ ଏକଜିଟ ପୋଲ ଫଳାଫଳ ଶକ୍ତ ଝଟକା ଦେଇଛି । ହରିୟାଣାରେ ୧୦ ବର୍ଷ ପରେ କଂଗ୍ରେସ ପୁଣିଥରେ କ୍ଷମତାକୁ ଫେରିପାରେ ବୋଲି ବିଭିନ୍ନ ସଂସ୍ଥା ପକ୍ଷରୁ କରାଯାଇଥିବା ଏକଜିଟ ପୋଲରେ ଦାବି କରାଯାଇଛି । ସେହିପରି ଜମ୍ମୁ-କାଶ୍ମୀରରେ ମଧ୍ୟ ଇଣ୍ଡି ମେଣ୍ଟ ଆଗରେ ଥିବା ଏକଜିଟ୍ ପୋଲ ଦାବି କରିଛି ।
ହରିୟାଣାରେ ବାଜି ମାରିପାରେ କଂଗ୍ରେସ:
ଚଳିତ ବର୍ଷ ହୋଇଥିବା ଲୋକସଭା ନିର୍ବାଚନ ପରେ ୯୦ ଆସନ ବିଶିଷ୍ଟ ଜମ୍ମୁ-କଶ୍ମୀର ଓ ହରିୟାଣାରେ ନିର୍ବାଚନ ଅନୁଷ୍ଠିତ ହୋଇଛି । ପୂର୍ବରୁ ଜମ୍ମୁ-କଶ୍ମୀର ଭୋଟ ଗ୍ରହଣ ସରିଥିବା ବେଳେ ଆଜି ହରିୟାଣାରେ ମତଦାନ ଶେଷ ହୋଇଛି । ଭୋଟ ପରେ ବିଭିନ୍ନ ସଂସ୍ଥା ପକ୍ଷରୁ କରାଯାଇଥିବା ଏକଜିଟ ପୋଲରେ କଂଗ୍ରେସକୁ ବହୁମତ ମିଳିପାରେ ବୋଲି ଦାବି କରିଛନ୍ତି । ହରିୟାଣାରେ ସରକାର ଗଠନ ପାଇଁ ଥିବା ମ୍ୟାଜିକ ନମ୍ବର ୪୬ରୁ ଅଧିକ ଆସନରେ କଂଗ୍ରେସ ବାଜିମାତ କରିବ ବୋଲି ଏକଜିଟ ପୋଲ ଫଳାଫଳରୁ ପ୍ରକାଶ ପାଇଛି । ସେହିପରି ଲଗାତାର ୨୦୧୪ ଓ ୨୦୧୯ରେ ହରିୟାଣାରେ ସରକାରରେ ଥିବା ବିଜେପି ହାଟ୍ରିକ ମାରିବା ଲକ୍ଷ୍ୟରେ ବ୍ରେକ ଲାଗିପାରେ ।
#WATCH | Kurukshetra | Haryana CM Nayab Singh Saini says, " bjp will form the government with full majority. we are confident." pic.twitter.com/C91KEWtj0Q
— ANI (@ANI) October 5, 2024
ବିଭିନ୍ନ ସଂସ୍ଥା ପକ୍ଷରୁ କରାଯାଇଥିବା Exit Poll:-
ଜମ୍ମୁ-କାଶ୍ମୀର: ୯୦ ଆସନ
ପିପୁଲ୍ସ ପ୍ଲସ (PEOPLES PULSE)
ନ୍ୟାସନାଲ କନଫେରେନ୍ସ: ୩୩-୩୫
ବିଜେପି: ୨୩-୨୭
କଂଗ୍ରେସ: ୧୩-୧୫
ପିଡିପି: ୭-୧୧
ଅନ୍ୟ:୪-୫
ଇଣ୍ଡିଆ ଟୁଡେ-ସି ଭୋଟର ( India Today-C-Voter)
କଂଗ୍ରେସ-ଏନସି: ୪୦-୪୮
ଭାଜପା: ୨୭-୩୨
ପିଡିପି: ୬-୧୨
ଅନ୍ୟ: ୬-୧୧
ହରିୟାଣା: ୯୦ ଆସନ
ପିପୁଲ୍ସ ପ୍ଲସ (PEOPLES PULSE)
କଂଗ୍ରେସ: ୪୯-୬୧
ବିଜେପି: ୨୦-୩୨
ଜେଜେପି: ୦-୩
ଅନ୍ୟ: ୫-୮
ଧ୍ରୁବ ରିସର୍ଚ୍ଚ (Dhruva Research)
କଂଗ୍ରେସ: ୫୦-୬୪
ବିଜେପି: ୨୨-୩୨
ରିପ୍ଲବିକ ଭାରତ-ମାଟ୍ରିଜ ( Republic Bharat Matrize)
ରିପ୍ଲବିକ ଭାରତ-ମାଟ୍ରିଜ ଏକଜିଟ ପୋଲ ଅନୁସାରେ, ହରିୟାଣାରେ କଂଗ୍ରେସକୁ ୫୫-୬୨ଟି ଆସନ ମିଳିପାରେ । ସେହିପରି ବିଜେପିକୁ ୧୮-୨୪ ଆସନ, ଜେଜେପିକୁ ୦-୩ ଆସନ ଓ ଅନ୍ୟ ୫-୧୧ ଆସନ ମିଳିପାରେ ।
ଉଭୟ ରାଜ୍ୟରେ ୯୦-୯୦ଟି ଆସନ:
ଉଭୟ ଜମ୍ମୁ- କାଶ୍ମୀର ଓ ହରିୟାଣାରେ ୯୦ଟି ଲେଖାଏଁ ବିଧାନସଭା ଆସନ ଅଛି । ଜାମ୍ମୁ କାଶ୍ମୀରର କେନ୍ଦ୍ରଶାସିତ ଅଞ୍ଚଳରେ ୩ଟି ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇଥିବାବେଳେ ଆଜି (ଶନିବାର) ହରିୟାଣାର ସମସ୍ତ ୯୦ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା । ଧାରା ୩୭୦ ଉଠିବା ପରେ ଜାମ୍ମୁ କାଶ୍ମୀରରେ ପ୍ରଥମ ଥର ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା । ତେଣୁ ନିର୍ବାଚନ ଫଳାଫଳ ଉପରେ ସମସ୍ତଙ୍କ ନଜର ରହିଛି । ଏଥି ସହିତ ଗତ ୧୦ ବର୍ଷ ଧରି ହରିୟାଣାରେ ବିଜେପି ସରକାର ଅଛି । ଏଥର କଂଗ୍ରେସ ରାଜ୍ୟରେ କ୍ଷମତାକୁ ଫେରିବାକୁ ଆଶା ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
