ମୁମ୍ବାଇ: ଫେମସ ଅଭିନେତା ଆଶୁତୋଷ ରାଣା ଓ ରାଜପାଲ ଯାଦବ ପୋଲିସକର୍ମୀଙ୍କ ମନୋବଳ ବଢାଇବାରେ ସାହାଯ୍ୟ କରିଛନ୍ତି । ଏହି ଦୁଇ ଷ୍ଟାରସ କୋରୋନା ଲଢେଇରେ ଲଢୁଥିବା ଜବଲପୁରର ଅଧିକ ପ୍ରଭାବିତ ଅଞ୍ଚଳ କୋତୱାଲୀରେ ପୋଲିସଙ୍କ ସାହସ ବଢାଇଛନ୍ତି । ସେଠାରେ ପହଞ୍ଚି ସେ ମୁତୟନ ଥିବା ପୋଲିସଙ୍କ କାମର ପ୍ରଶଂସା କରିବା ସହ ମନୋବଳ ବଢାଇଛନ୍ତି ।
ଏହାସହ ଜନସାଧାରଣଙ୍କୁ ସାମାଜିକ ଦୂରତା ବଜାଇ ରଖିବାକୁ ମଧ୍ୟ ଅପିଲ କରିଛନ୍ତି । ମଧ୍ୟପ୍ରଦେଶ ଜନସମ୍ପର୍କ ବିଭାଗର ଜଣେ ଅଧିକାରୀ ବୁଧବାର ଏହି ସୂଚନା ଦେଇଛନ୍ତି ।
ଆଶୁତୋଷ ଓ ରାଜପାଲ ପୋଲିସକର୍ମୀଙ୍କୁ କହିଥିଲେ ଯେ ସେ ସଙ୍କଟପୂର୍ଣ୍ଣ ପରିସ୍ଥିତିରେ ଯେଉଁ ନିଷ୍ଠା ଓ ସଚ୍ଚୋଟତା ରୂପେ ନିଜ କାମ କରୁଛନ୍ତି, ତାହା ପ୍ରଶଂସାଯୋଗ୍ୟ । ଏହାବ୍ୟତୀତ ଦୁଇ ଅଭିନେତା ପୋଲିସକର୍ମୀଙ୍କୁ ସ୍ବାସ୍ଥ୍ୟକର୍ମୀଙ୍କୁ ଫୁଲ, କୋଲ୍ଡ ଡ୍ରିଙ୍କ, ମାସ୍କ, ସାଇନିଟାଇଜର ମଧ୍ୟ ପ୍ରଦାନ କରିଛନ୍ତି ।
ପ୍ରକାଶ ଥାଉକି ଆଶୁତୋଷଙ୍କ ଜନ୍ମ ମଧ୍ୟପ୍ରଦେଶର ନରସିଂହପୁର ଜିଲ୍ଲାରେ ହୋଇଥିଲା । ଏହି ଦୁଇ ଷ୍ଟାରଙ୍କ ବ୍ୟତୀତ ଅନେକ ଷ୍ଟାର୍ସ ସୋସିଆଲ ମିଡିଆରେ ପୋଲିସ କର୍ମୀ, ସ୍ବାସ୍ଥ୍ୟକର୍ମୀଙ୍କୁ କାର୍ଯ୍ୟର ପ୍ରଶଂସା କରିବାରେ ସାରିଛନ୍ତି ।
