ମୁମ୍ବାଇ: ଅଭିନେତା ଶେଖର ସୁମନ ଗତ କିଛି ମାସରୁ ସୁଶାନ୍ତ ସିଂ ରାଜପୁତଙ୍କ ପାଇଁ ସୋସିଆଲ ମିଡିଆରେ ନ୍ୟାୟ ଦାବି କରିଆସୁଛନ୍ତି । ଯାହାକୁ ନେଇ ସେ ଅନେକଥର ସମାଲୋଚନାର ଶିକାର ହୋଇସାରିଲେଣି । ଇତିମଧ୍ୟରେ ସେ ଚାହୁଁଛନ୍ତି କିଛି ଲୋକ ତାଙ୍କୁ କ୍ଷମା ମାଗନ୍ତୁ । ଯେଉଁମାନେ ରାଜନୈତିକ ସଂଯୋଗ ହାସଲ କରିବା ପାଇଁ ସେ ସୁଶାନ୍ତଙ୍କ ମୃତ୍ୟୁକୁ ବ୍ୟବହାର କରୁଥିବାର କଥା କହି ତାଙ୍କୁ ସମାଲୋଚନା କରୁଛନ୍ତି ।
ବିହାର ନିର୍ବାଚନ ପାଇଁ ସେ କେବେ ଚିନ୍ତା କରିନାହାଁନ୍ତି ଏହା ବିଷୟରେ ସେ ଟ୍ବିଟ କରି କହିଛନ୍ତି, ‘ଯେତେବେଳେ ମୁଁ ପାଟନାରେ ସୁଶାନ୍ତଙ୍କ ସଂପର୍କରେ ତେଜସ୍ବୀ ଯାଦବଙ୍କୁ ଭେଟିଥିଲି, ସେତେବେଳେ ଅନେକ ଲୋକେ ମୋତେ ରାଜନୈତିକ ଆକାଂକ୍ଷା ବୋଲି ଅଭିହିତ କରିଥିଲେ । ବିହାର ନିର୍ବାଚନ ଆସିଲା ଏବଂ ଗଲା ହେଲେ ମୁଁ ଏହାକୁ ନେଇ ଚିନ୍ତିତ ନଥିଲି । ଯେଉଁମାନେ ମୋତେ ଦୋଷାରୋପ କରିଥିଲେ, ସେମାନେ ଆଗକୁ ଆସି ମୋତେ କ୍ଷମା ମାଗନ୍ତୁ । ଯଦି ଆପଣ ଏକ ସମସ୍ୟା ପାଇଁ ଲଢୁଛନ୍ତି ତେବେ ଆପଣ କଣ ଏହାକୁ ପ୍ରଚାର ପାଇଁ କରୁଛନ୍ତି, ଯଦି ଆପଣ ଜଣେ ଆତ୍ମ-କେନ୍ଦ୍ରିକ, ଭୟଭୀତ ଏବଂ ସ୍ବାର୍ଥପର ବ୍ୟକ୍ତି ନୁହଁନ୍ତି । କିଛି ଜିନିଷରେ ଛିଡା ହେବା ପୂର୍ବରୁ ଲକ୍ଷ ଥର ଚିନ୍ତା କରିବାକୁ ପଡିବ | ତୁମେ ଯାହା କରୁଛ ତାହା ପଛରେ ସର୍ବଦା ଲୋକେ ଖରାପ କହିବେ ।’
ପ୍ରକାଶ ଥାଉକି ଦୀପାବଳି ଅବସରରେ ଏକ ଟ୍ବିଟ କରି ସେ ଫ୍ୟାନ୍ସଙ୍କୁ ଅନୁରୋଧ କରିଥିଲେ ସୁଶାନ୍ତଙ୍କ ପାଇଁ ଏଥର ଦୀପ ଜାଳି ଦୀପାବଳି ପାଳିବାକୁ । ଯାହାଦ୍ବାରା ତାଙ୍କ ଆତ୍ମାକୁ ଶାନ୍ତି ମିଳିପାରିବ ।
