ମୁମ୍ବାଇ: ଶୁକ୍ରବାର ତଥା ତାମିଲ ସୁପରଷ୍ଟାର ୟଶଙ୍କ ଜନ୍ମଦିନରେ ରିଲିଜ ହେବାକୁ ଯାଉଛି ବହୁ ପ୍ରତିକ୍ଷିତ ଫିଲ୍ମ ‘କେଜିଏଫ ଚାପ୍ଟର 2’ର ଟିଜର । ଯାହାକୁ ନେଇ ଦୀର୍ଘ ସମୟରୁ ଉତ୍ସାହିତ ସମସ୍ତେ । କେଜିଏଫର ସଫଳତା ପରେ ‘କେଜିଏଫ 2’ ଦେଖିବାକୁ ଅନାଇ ବସିଛନ୍ତି ଦର୍ଶକ । ସେପଟେ ଟିଜର ରିଲିଜ ପୂର୍ବରୁ ଫିଲ୍ମର ଅଧୀରା ତଥା ସଞ୍ଜୟ ଦତ୍ତ ସୋସିଆଲ ମିଡିଆରେ ଏହାର ସୂଚନା ଦେଇ ଚର୍ଚ୍ଚାରେ । ଟିଜର ରିଲିଜକୁ ଆଉ ଗୋଟିଏ ଦିନ ବାକି ଥିବା ବେଳେ ଫିଲ୍ମର ନୂଆ ପୋଷ୍ଟର ସେୟାର କରି ସମସ୍ତଙ୍କୁ ଏକ୍ସାଇଟମେଣ୍ଟ ଦୁଇଗୁଣ ବଢାଇଦେଇଛନ୍ତି ।
- " class="align-text-top noRightClick twitterSection" data="
">
ବୁଧବାର ଇନଷ୍ଟାଗ୍ରାରେ ଫିଲ୍ମର ନୂଆ ପୋଷ୍ଟର ସେୟାର କରି କ୍ୟାପସନରେ ସଞ୍ଜୟ ଲେଖିଥିଲେ, ‘ଅଧୀରକୁ ଭେଟିବା ପାଇଁ ଆଉ ଦୁଇଦିନ ।’ ସେହିପରି ପୋଷ୍ଟରରେ ସଞ୍ଜୟଙ୍କ ହାତ ଦେଖିବାକୁ ମିଳୁଛି । ଅନ୍ୟପଟେ ପୋଷ୍ଟର ଦେଖି ଫ୍ୟାନ୍ସ ବର୍ତ୍ତମାନ କମେଣ୍ଟ କରିବାକୁ ଲାଗିଛନ୍ତି ।
ପ୍ରକାଶ ଥାଉକି ‘କେଜିଏଫ ଚାପ୍ଟର 2’ ସେହି କାହାଣୀରୁ ଆରମ୍ଭ ହେବ ଯେଉଁଠି ପ୍ରଥମ ଭାଗର କାହାଣୀ ଶେଷ ହୋଇଥିଲା । ଫିଲ୍ମରେ ୟଶଙ୍କ ସହ ଲଢିବେ ସଞ୍ଜୟ । ସେହିପରି ଅଭିନେତ୍ରୀ ରବୀନା ଟଣ୍ଡନ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଚଳିତ ବର୍ଷ ଫିଲ୍ମ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ ।
