ମୁମ୍ବାଇ: ନିଜ ନିଜ ଫିଲ୍ମ ପ୍ରମୋଶନ ପାଇଁ ନାହିଁ ନଥିବା ଚେଷ୍ଟା କରନ୍ତି କଳାକାର । ଭିନ୍ନ ଭିନ୍ନ ଇଭେଣ୍ଟରେ ଯୋଗ ଦେବା ସହ ସୋସିଆଲ ମିଡିଆରେ ଦର୍ଶକଙ୍କୁ ଆକର୍ଷିତ କରନ୍ତି ସେଲିବ୍ରିଟି । ଏମିତି କିଛି କରୁଥିବାର ନଜର ଆସୁଛନ୍ତି ଲୋକପ୍ରିୟ ଅଭିନେତା ରାଜକୁମାର ରାଓ । ସେ ନିଜ ହରର ଡ୍ରାମା ଫିଲ୍ମ ‘ରୁହି’ ପାଇଁ ଟିକେଟ ବିକିବା କାମ ମଧ୍ୟ ଆରମ୍ଭ କରିଦେଇଛନ୍ତି ।
ଆଜ୍ଞା ହଁ, ଗୁରୁବାର ରିଲିଜ ହୋଇଯାଇଛି ଫିଲ୍ମ । ଆଉ ହଲରେ ଦର୍ଶକଙ୍କ ଭିଡ ଜମୁଥିବା ଦେଖି ଭିନ୍ନ ଢଙ୍ଗରେ ସେମାନଙ୍କୁ ଫିଲ୍ମ ଦେଖିବାକୁ ଉସକାଇଛନ୍ତି ଅଭିନେତା । ନିଜେ ଟିକେଟ କାଉଣ୍ଟରରେ ଠିଆ ହୋଇ ସମସ୍ତଙ୍କୁ ବିକିଲେ ଟିକେଟ । ସେପଟେ ଦର୍ଶକଙ୍କ ମଧ୍ୟ ତାଙ୍କୁ କାଉଣ୍ଟରରେ ଦେଖି ବେଶ୍ ଉତ୍ସାହିତ । ବର୍ତ୍ତମାନ ତାଙ୍କ ଏହି ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ପ୍ରକାଶ ଥାଉକି ‘ରୁହି’ରେ ରାଜକୁମାରଙ୍କ ସହ ଜାହ୍ନବୀ କପୁର ଓ ବରୁଣ ଶର୍ମା ମୁଖ୍ୟ ଭୂମିକାରେ ନଜର ଆସୁଛନ୍ତି । ଫିଲ୍ମକୁ ବର୍ତ୍ତମାନ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିବାରେ ଲାଗିଛି ।
