ହାଇଦ୍ରାବାଦ: ଚୁଲବୁଲ ଅଭିନେତ୍ରୀ ତାପସୀ ପନ୍ନୁଙ୍କ ସହ ଏକ ଫିଲ୍ମରେ ସାଇନ କରିବା ପରେ ‘ସ୍କାମ୍ 1992’ ଫେମ ପ୍ରତୀକ ଗାନ୍ଧୀଙ୍କୁ ନେଇ ଚର୍ଚ୍ଚା । ସେ ପୁଣିଥରେ ବଲିଉଡର ଆଉ ଜଣେ ସୁନ୍ଦରୀ ଅଭିନେତ୍ରୀଙ୍କ ସହ ପରଦାରେ ନଜର ଆସିବେ । ଏଥର ତାଙ୍କ ସହ ରୋମାନ୍ସ କରିବେ ଲୋକପ୍ରିୟ ଅଭିନେତ୍ରୀ ବିଦ୍ୟା ବାଲନ।
- " class="align-text-top noRightClick twitterSection" data="
">
ପ୍ରତୀକ ଏବଂ ବିଦ୍ୟା ଏଲିପ୍ସିସ୍ ଏଣ୍ଟରଟେନମେଣ୍ଟ୍ର ଆଗାମୀ ପ୍ରୋଜେକ୍ଟରେ କାମ କରିବାକୁ ଯାଉଛନ୍ତି । ଯାହାର କାହାଣୀ ଦୁଇ ଦମ୍ପତିଙ୍କର । ପ୍ରତୀକ ଏବଂ ବିଦ୍ୟା ଅନବୋର୍ଡରେ ଥିବାବେଳେ ନିର୍ମାତା ଅନ୍ୟ ଏକ ଅଗ୍ରଣୀ ଯୋଡି ପାଇଁ ଷ୍ଟାରକାଷ୍ଟ ଖୋଜୁଛନ୍ତି ।
ସେହିପରି ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବେ ଶିରଶା ଗୁହା ଥୌରଟା ଯିଏ ବିଜ୍ଞାପନ ଜଗତରେ ଏକ ଜଣାଶୁଣା ନାମ । ଏହି ଫିଲ୍ମ ଏକ ସମ୍ପର୍କୀୟ କାହାଣୀ ମାଧ୍ୟମରେ ସାମାଜିକ ପିତୃପୁରୁଷଙ୍କୁ ଚ୍ୟାଲେଞ୍ଜ କରିବ । ରାମ ଗୋପାଳ ବର୍ମାଙ୍କ ନିର୍ଦ୍ଦେଶିତ ‘ରନ୍’, ‘ଫୁଙ୍କ୍’ ଏବଂ ‘କଣ୍ଟ୍ରାକ୍ଟ’ ଭଳି ଫିଲ୍ମ ପାଇଁ ସହ -ନିର୍ଦ୍ଦେଶିକା ଭାବରେ କାର୍ଯ୍ୟ କରିବା ପରେ ଏହି ଫିଲ୍ମ ସେ ନିର୍ଦ୍ଦେଶନାରେ ଡେବ୍ୟୁ କରିବ।
- " class="align-text-top noRightClick twitterSection" data="
">
ପ୍ରକାଶ ଥାଉକି ବିଦ୍ୟାଙ୍କ ସହ କାମ କରିବା ପୂର୍ବରୁ ପ୍ରତୀକ ତାଙ୍କ ସ୍ବାମୀ ତଥା ନିର୍ମାତା ସିଦ୍ଧାର୍ଥ ରୟ କପୁରଙ୍କ ସହ ଆଉ ଏକ ଫିଲ୍ମରେ ସାଇନ କରିସାରିଛନ୍ତି । ଯେଉଁଥିରେ ସେ ତାପସୀଙ୍କ ସହ ନଜର ଆସିବେ । ସେହିପରି ଏହି ଫିଲ୍ମର ନିର୍ଦ୍ଦେଶକନା କରିବେ ଅର୍ଶଦ ସୈଦ୍ । ଚଳିତ ବର୍ଷ ଏହି ଫିଲ୍ମର ସୁଟିଂ ଆରମ୍ଭ କରିବାକୁ ଯୋଜନା କରିଛନ୍ତି ମେକର୍ସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
