ମୁମ୍ବାଇ: ବଲିଉଡର ଡିମାଣ୍ଡିଂ ଅଭିନେତା କାର୍ତ୍ତିକ ଆର୍ଯନଙ୍କ କମେଡି ଲଭ ଫିଲ୍ମ 'ଲୁକା ଛୁପି' ଶୁକ୍ରବାର ରିଲିଜ ହୋଇଯାଇଛି। ଫିଲ୍ମଟି ଦର୍ଶକଙ୍କୁ ଖୁବ୍ ପସନ୍ଦ ଆସିଛି। ଇତିମଧ୍ୟରେ କାର୍ତ୍ତିକଙ୍କ ଫ୍ୟାନ୍ସଙ୍କ ପାଇଁ ଏକ ଗୁଡନ୍ୟୁଜ ସାମ୍ନାକୁ ଆସିଛି। ଯାହା ଶୁଣିଲେ ଫ୍ୟାନ୍ସ ଖୁସି ହୋଇଯିବେ। କଥାଟି ହେଲା କି ଲୋକପ୍ରିୟ ଫିଲ୍ମ ନିର୍ମାତା ଇମତିଆଜ ଅଲ୍ଲୀଙ୍କ ହିଟ୍ ଫିଲ୍ମ 'ଲଭ ଆଜ କଲ'ର ସିକ୍ବେଲରେ ନଜର ଆସିବେ କାର୍ତ୍ତିକ।
'ଲଭ ଆଜ କଲ' ଫିଲ୍ମ 10 ବର୍ଷ ପୂର୍ବେ ରିଲିଜ ହୋଇଥିଲା। ଯେଉଁଥିରେ ମୁଖ୍ୟ ଭୂମିକାରେ ଅଭିନୟ କରିଥିଲେ ସୈଫ ଅଲ୍ଲୀ ଖାନ ଓ ଦୀପିକା ପାଦୁକୋନ।
ଇମତିଆଜଙ୍କ ସହ କାମ କରିବାକୁ ନେଇ କାର୍ତ୍ତିକ ଏକ ବୟାନରେ କହିଥିଲେ କି ସେ ତାଙ୍କର ପସନ୍ଦୀୟ ଫିଲ୍ମ ନିର୍ମାତାଙ୍କ ମଧ୍ୟରୁ ଅନ୍ୟତମ। ସେ ସବୁବେଳେ ତାଙ୍କ ସହ କାମ କରିବାକୁ ଚାହୁଁଥିଲେ। ବର୍ତ୍ତମାନ ସେ ବହୁତ ଖୁସି ଅଛନ୍ତି କି, ପରିଶେଷରେ ତାଙ୍କୁ ଇମତିଆଜଙ୍କ ସହ କାମ କରିବାର ସୁଯୋଗ ମିଳିଛି।
ଫିଲ୍ମରେ କାର୍ତ୍ତିକଙ୍କ ବ୍ୟତୀତ ଅଭିନେତା ରଣଦୀପ ହୁଡ୍ଡା, ସାରା ଅଲ୍ଲୀ ଖାନ ମଧ୍ୟ ନଜର ଆସିବେ। ସାରା ଏକ ସାକ୍ଷାତକାରରେ କହିଥିଲେ କି, ସେ କାର୍ତ୍ତିକଙ୍କୁ ଡେଟ କରିବାକୁ ଚାହୁଁଛନ୍ତି। ଏହାପର ଠାରୁ ଦୁଇଜଣଙ୍କୁ ନେଇ ଚର୍ଚ୍ଚା ଫ୍ୟାନ୍ସଙ୍କ ମଧ୍ୟରେ ଜୋର ଧରିଥିଲା। ଯଦି ଫିଲ୍ମ ବିଷୟରେ କଥା ହେବା ତେବେ ଫିଲ୍ମର ସୁଟିଂ ଆସନ୍ତା ସପ୍ତାହରେ ଦିଲ୍ଲୀରେ ଆରମ୍ଭ ହେବାର ଯୋଜନା ରହିଛି।
